Околу 11 часот, во дворот на училиштето „Зини Хани“ во струшкото село Велешта, В. Ќ (31) и А. Ќ. (28), двајцата од истото село, го нарушиле јавниот ред и мир. Тие упатиле навредливи зборови, а потоа и физички нападнале полициски службеник, кој извршувал службени дејства во врска со предвремените парламентарни избори. По целосно документирање на настанот, против напаѓачите ќе биде поднесена соодветна пријава, соопшти полицијата.

Две лица се приведени во Охрид по тепачката што се случила по сообраќајна несреќа. Како што информира СВР Охрид, во 14.30 часот, по сообраќајна незгода на пресекот на булеварот Туристичка со улицата Стив Наумов во Охрид, нарушен е јавниот ред и мир со тепачка помеѓу В. Л. (45), К. Д. (21), Ф. Д. (37), С. Д. (56) и Д. Б. (22) од Охрид.

По незгодата, Ф. Д. почнал вербална расправија со К. Д., во која подоцна се вклучиле и другите учесници. Двајцата се приведени и против нив ќе биде поднесена соодветна пријава.

Жител на Градско вчера дошол во дворот на А. С. (лице со здравствени проблеми) на улицата Борис Трајковски и му дал 1.000 денари за да гласа за одредена политичка партија.

Од страна на полициски службеници извршен бил разговор со П. Е., старател на А. С., и со потврда банкнотата билa одземена. Бил извршен разговор и со П. А., а СВР Велес презема мерки за целосно расчистување на случајот.