Триесет и тригодишен битолчанец е приведен кога вчера при претрес во неговиот стан полицијата пронашла дрога.

На 6.12.2021, на улицата Климент Охридски во Битола, полициски службеници од Отсекот за недозволена трговија со дрога и оружје во СВР Битола го лишиле од слобода битолчанецот.

„При претрес во домот на Д. Д. (33) и други простории, извршен со судска наредба, биле пронајдени и одземени прашеста материја, повеќе предмети со остатоци од прашеста материја и пари во разни апоени. Тој бил приведен во полициска станица и по целосно документирање на случајот, против него ќе биде поднесена соодветна пријава“ соопшти МВР.

28-годишен кумановец е уапсен за сторено кривично дело тешка кражба соопшти полицијата.

Имено вчера во 18.55 часот во Куманово, полициски службеници од СВР Куманово, врз основа на судска наредба, го лишиле од слобода С.Б.(28) од Куманово за издржување на казна затвор за сторено кривично дело по член 236 од Кривичниот законик -тешка кражба.

Тој бил спроведен во Казнено-поправна установа Затвор К’шање за издржување на казната.

Министерството за внатрешни работи во текот на вчерашниот ден (06.12.2021) продолжи со засилените акциски контроли во областа на сообраќајот.

На територијата на град Скопје изречени се вкупно 122 мерки, меѓу кои за возење без возачка дозвола 18 санкции, осум за возење повеќе од дозволената брзина, три мерки за возење под дејство на алкохол, четири санкции за технички неисправни и нерегистрирани возила, четири мерки за неприписно престројување на возила, 30 за непрописно паркирање.

МВР апелира до граѓаните да ги почитуваме сообраќајните правила и прописи за да ја зголемат безбедноста во сообраќајот и заедно да придонесат за посигурни патишта.