Црна хроника
Пријава за ексдиректор на средно училиште, си делел додатоци на платата
Надворешната канцеларија за криминалистички работи во Кратово поднесе кривична пријава против Т.Ј. (50) од Кратово поради несовесно работење во службата. Во периодот од септември 2012 до септември 2017 тој како директор на средното општинско училиште „Митко Пенџуклиски“ во Кратово не побарал согласност од Општина Кратово, односно не извршил усогласување со законските прописи, на правилникот за исплата на плати на вработени и надоместок на ангажирани лица и наставници во ученичкиот дом.
Исто така, не постапил по наодите и дадените препораки од ревизорскиот извештај, со што овозможил за себе исплата на посебен додаток на месечна плата во зголемен износ од 25 отсто. Во истиот период тој на овој начин овозможил за педагогот исплата на посебен додаток на месечна плата во зголемен износ од 10 отсто, а на благајникот во зголемен износ од 15 отсто, со што тие стекнале противправна имотна корист од 1.077.482 денара на штета на буџетот на РСМ, информира полицијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
80-годишен скопјанец нападнат во маркет во Центар
Синоќа околу 21:05 часот, 80-годишниот В.П. од Скопје бил физички нападнат во маркет на подрачјето на општина Центар.
Пензионерот случајот го пријавил во скопската полиција.
МВР презема мерки за целосно расчистување на нападот и идентификација на напаѓачот.
Црна хроника
Тетовец се сомничи за измама: зел капар од 1.200 евра, а нарачката никогаш не ја испорачал
Тетовската полиција поднесе кривична пријава против 47-годишник од Тетово, осомничен дека измамил маж од кичевско кој во април годинава преку страницата на социјалната мрежа „Фејсбук“ договорил нарачка.
Жртвата платила капар од 1.200 евра, а рокот за испорака бил еден месец. И покрај тоа, осомничениот не го исполнил договореното и не ја испорачал нарачката, по што случајот бил пријавен во полиција.
Црна хроника
Скопјанец тешко повреден во судир со возило со српски ознаки во Скопје
Синоќа околу 20:40 часот, на крстосницата меѓу улиците „Разловечко Востание“ и „Вич“ во Скопје, се случила сообраќајна несреќа во која учествувале две возила „хјундаи“ со скопски регистарски таблички и „шкода“ со српски национални ознаки.
Хјундаито го управувал 52-годишниот В.Л. од Скопје, додека зад воланот на шкодата бил 38-годишниот Р.Ѓ. од Србија, кој моментално престојува во Скопје.
Во несреќата тешко се повредил возачот на хјундаито. Тој бил пренесен во Градската општа болница „8 Септември“, каде што му биле констатирани тешки телесни повреди.
Увид на местото извршила екипа од скопската полиција по наредба на јавен обвинител.

