Црна хроника
Продолжен притвор и обвинение за двајцата скопјани кои киднапираа Италијанка
![](https://makfax.com.mk/wp-content/uploads/2018/09/силување.jpg)
Oхридското основно јавно обвинителство поднесе обвинение против двајца скопјани на возраст од 19 и 20 години, кои на почетокот на месецов во Охрид киднапираа 26-годишна Италијанка.
За нив постои сомнение дека сториле кривичното дело противправно лишување од слобода.
Како што информираат од обвинителството, на 3 јули годинава двајцата скопјани противправно ја лишиле од слобода и го ограничиле движењето на оштетената.
Првообвинетиот, кој имал привремен престој во Италија, во државава пристигнал заедно со оштетената, со намера да ја убеди таа да склучи брак со второобвинетиот, негов роднина од Скопје, за да може и тој да замине во Италија.
Откако пристигнале, тие ја заклучиле оштетената во стан во Охрид и се одалечиле во непознат правец.
Настанот бил пријавен од Амбасадата на Република Италија, по што двајцата обвинети биле пронајдени и лишени од слобода.
Поради постоење на опасност од бегство на обвинетите, како и можност да го повторат кривичното дело, јавниот обвинител од Основното јавно обвинителство Охрид, доставил и посебен предлог за продолжување на мерката притвор за двајцата обвинети.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Црна хроника
Со возило на авто-школа удрен, па натепан малолетник
![](https://makfax.com.mk/wp-content/uploads/2024/09/policija-park-logo.jpg)
Вчера во 15.15 часот во СВР Скопје било пријавено дека на паркинг простор пред авто-школа на подрачјето на Бит Пазар, откако со возило бил удрен малолетник од Скопје, возачот од возилото физички го нападнал.
Потоа, според пријавеното, откако малолетникот се пожалил на неговата мајка Ѓ.Ј.(39) од Скопје, таа дошла и од службена просторија на авто школата била истуркана надвор и физички била нападната од истото лице.
Се преземаат мерки за расчистување на случајот, велат од МВР.
Црна хроника
Мотоциклист излета од патот и тешко се повреди
![](https://makfax.com.mk/wp-content/uploads/2022/06/motociklist.jpg)
Вчера во 13:30 часот во полициската станица Пробиштип било пријавено дека околу 13 часот во близина на фабрика во Пробиштип, Г.Ѓ.(57) од село Другово, кичевско, управувајќи мотоцикл изгубил контрола и излетал надвор од коловозот.
Во несреќата со тешки телесни повреди се здобил мотоциклистот, констатирани во Медицинскиот центар Штип.
Извршен бил увид од увидна екипа од ОВР Пробиштип.
Црна хроника
Рачна бомба најдена во туристичката населба Отешево
![](https://makfax.com.mk/wp-content/uploads/2022/12/rachna-bomba.jpg)
Вчера во 9 часот во полициската станица Ресен, Б.Ѓ. од Ресен пријавил дека на крабрежјето во туристичката населба Отешево, ресенско, пронашол една рачна бомба-кашикара, три артилерски чаури 60 мм и две исправни запалки мм, кои потекнувале од Првата светска војна.
Од страна на пиротехничар од Дирекцијата за заштита и спасување истите се подигнати за понатамошна постапка.