Автомобил и два мотора се судрија синоќа во Визбегово, пришто со тешки повреди во болница завршија четири млади лица кои немаат ниту 20 години, а се превезувале со моторите.

Во несреќата учествувал автомобил управуван од Н.Х.(26) од Скопје.

Со едниот мотоцикл управувал  Ј.З.(18), а со другиот 16-годишник – двајцата од Скопје. Тие биле во друштво на сопатници на возраст од 19 и 15 години. Четворицата со тешки телесни повреди се пренесени на Комплексот клиники „Мајка Тереза“ и Градската општа болница „Св.Наум Охридски“.

Увид на местото извршила екипа на СВР Скопје.

Полицијата вчера ја приведе Е.Л.(46) од Република Албанија, поради илегален влез во Македонија, а која од претходно имала забрана за влез во државата.

Во Основниот суд Тетово изречена ѝ е безбедносна мерка протерување на странец од РСМ со забрана за повторно влегување во времетраење од една година.

Од МВР информираа дека таа потоа била депортирана и предадена на пограничните органи на Република Албанија.

Полицијата вчера извршила претрес во домот на Б.Ш.(28) од Битола, при што бил пронајден и одземен амфетамин.

Битолчанецот е приведен во полициска станица, а по целосно документирање на случајот против него ќе биде поднесена соодветна пријава, соопшти МВР.