Педесет и четиригодишен државјанин на Грција, кој како потстанар престојувал во стан на улицата Орце Николов, на 14 ноември во полиција пријавил дека на ѕидот покрај влезната врата забележал дупки, а на подот патрони.

Како што рекол тој во полиција, во станот немало никој во периодот од 2 до 14 ноември годинава.

Полицијата извршила увид на местото и презема мерки за расчистување на случајот.

Во Полициската станица Крушево, во попладневните часови на 14 ноември, 40-годишен жител од селото Пресил пријавил дека неговиот 10-годишен син бил физички нападнат од наставникот, вработен во Основното училиште „Свети Кирил и Методиј“.

Од МВР информираат дека за настанот е запознаен јавен обвинител и се преземаат мерки за расчистување на случајот.

Педесет и четиригодишен затвореник од затворот „Идризово“ почина на 14 ноември на Ургентниот центар при комплексот клиники „Мајка Тереза“.

Како што информираат од МВР, на затвореникот му се слошило еден ден претходно, при што тој бил пренесен на Ургентниот центар.

По наредба на јавен обвинител, телото на починатиот е предадено за обдукција на Институтот за судска медицина.