Контакт

Топ

Родители од Скопје го принудувале детето да дава сексуални услуги

Објавено пред

По претходно донесена наредба за истрага од страна на Јавното обвинителство за гонење организиран криминал и корупција, на 29 ноември биле издадени судски наредби за приведување три лица поради сомнение дека се сторители на кривични дела трговија со дете и родосквернавење.

Како што информираат од МВР, полицијата презела мерки, при што лишени од слобода се три лица, и тоа родителите на детето Ш. А. (48) и Н. А. (41), како и А. К. (61), корисник на сексуални активности од дете што не наполнило 14 години, тројцата од Скопје.

Од Овинителството, пак, даваат дополнителни детали според кои првоосомничениот – татко на шест деца, од кои три малолетни девојчиња, искористувајќи исти услови, во подолг временски период извршувал обљуба со една од своите малолетни ќерки.

Во исто време второосомничената, злоупотребувајќи ја својата положба, како мајка на детето што не наполнило 14 години, го подведувала девојчето да врши полови дејства за паричен надомест со третоосомничениот.

Таа му го носела девојчето на третоосомничениот во неговата куќа и за паричен надомест од 2.000 денари, а понекогаш по 500 денари, ја принудувала да се соблекува и да има сексуални односи со него. Доколку детето одбиело, мајката употребувала физичка сила.

Дополнително, првоосомничениот, злоупотребувајќи ја својата положба како татко, ја продал својата ќерка на маж од Косово, кој го пронашол преку интернет. Кога бил исплатен паричен надомест од 3.000 евра, девојчето било однесено во Косово заради склучување присилен брак. По два месеца, тоа дошло на гости кај своите родители, а првоосомничениот со оправдување дека било многу далеку, не ја вратил во Косово и продолжил да врши обљуба врз својата малолетна ќерка.

Во текот на денот тројцата биле изнесени пред судија на претходна постапка, кој им одредил притвор во траење од 30 дена.

Поради фактот што Ш. А. и Н. А. се во брачна заедница, од која имаат малолетни деца, ангажирани се претставници од ЈУМЦСР Скопје (ЈУ Меѓуопштински центар за социјални работи) за соодветно згрижување на децата.

За кривичните дела за кои се товарат осомничените е предвидена казна затвор во траење од најмалку 10 години, односно 12 години за дејствата за кои се товари третоосомничениот.​

Свет

Италијанските болници одбиваат да лекуваат невакцинирани пациенти, новинари снимиле со скриена камера

Објавено пред

Италијанските болници одбиваат да ги лекуваат и оперираат невакцинираните и оние кои не биле заразени.

Откако минатата недела во емисијата „Fuori dal coro“ на италијанската телевизија „Медиасет“ беше прикажан случајот со болницата „Галеаци“, која откажа операции и лекување на лица кои немале „Супер зелена карта“ – доказ за вакцинација или за прележана инфекција со ковид, на површина излегоа и други слични случаи во други болници низ Италија.

Пациентите кои со месеци не можат да бидат оперирани и лекувани, се обратија до италијанските медиуми со цел да пренесат ситуација која и покрај пандемијата е спротивна на Хипократовата заклетва, во која меѓу другото се вели дека „лекарите ќе го лекуваат секој пациент без разлика на религија, националност, социјален статус, политичка идеологија, промовирајќи елиминација на сите форми на дискриминација во здравствената област“.

Овие пациенти со месеци чекаат да бидат лекувани и оперирани бидејќи не се вакцинирани со третата доза на вакцина против коронавирус.

Медиумите ја истражуваа ситуацијата и се уверија дека, според интерна пптака на е-пошта што до сите вработени во болницата „Галеаци“ ја испратил директорот на таа институција, професорот Фабрицио Преласко, дека сите кои немаат „Вакцинален пасош“ засега нема да подлежат на третман или операција.

Според Преласко, оние кии не го комплетирале циклусот на вакцинација се сметаат за чувствителни пациенти и нивните интервенции се одложени бидејќи не се заштитени од вирусот.

Од друга страна, медиумите нагласуваат дека се познати голем број случаи на заболени од ковид по три вакцини, меѓу кои најпознат е професорот Гали од миланската инфективна клиника „Луиџи Сако“, кој бил тежок и покрај целосната вакцинација.

Новинарите посетија неколку болници, со скриена камера ги снимија вработените на приемното одделение и ги прашаа дали им е потребна зелена карта за лекување, на што добија позитивни одговори. Истата ситуација се случила откако се јавиле во повикувачкиот  центар на болницата.

Случајот заврши во парламентот кога неколку пратеници побараа од министерот за здравство да се обрати и да ја објасни оваа неприфатлива ситуација. Истрага покрена и јавното обвинителство.

Супер зелената пропусница е добиена по три дози вакцинација или две дози, од кои втората не смее да биде постара од четири месеци или по закрепнувањето. Тоа е потребно во Италија за нормален живот: одење во ресторани, кафулиња, базени, театри, кина, музеи, скијање и сите други активности освен одење во продавници за храна и аптеки.

Додека остатокот од Европа ги намалува забраните во борбата против Ковид-19, Италија воведува нови мерки од 1 февруари.

Прикажи повеќе...

Македонија

Загадениот воздух предизвикува над 30.000 предвремени смртни случаи во Западен Балкан

Објавено пред

Загадувањето на воздухот во Западен Балкан предизвикува голем број предвремени смртни случаи, а последиците вклучуваат пократок животен век и влошување на јавното здравје. Затоа е неопходно итно да се подобри квалитетот на воздухот и јавното здравје, преку надградба на здравствените системи, предупреди Европскиот фонд за Балканот, при овомесечната имплементација на третата фаза од кампањата „Обединет Балкан за чист воздух“ со партнерите од регионот.

Целта на оваа етапа од кампањата, како што се наведува, е да се информираат граѓаните за последиците од загадувањето врз стапката на смртност и здравјето во Западен Балкан и да се поканат да се вклучат во борбата за подобрување на квалитетот на воздухот и продолжување на нашите животи.

Според последните податоци на Европската агенција за животна средина, лошиот квалитет на воздухот во регионот предизвикува повеќе од 30.000 предвремени смртни случаи, а Заедничкиот истражувачки центар на ЕУ укажува на фактот дека загадувањето на воздухот во просек придонесува за намалување на животниот век помеѓу 0,4 и 1,3 години во земјите од Западен Балкан.

Студиите покажуваат дека само електраните на јаглен во Западен Балкан предизвикуваат економска штета која се движи помеѓу 1,2 и 3,4 милијарди евра годишно за трошоците за здравствена заштита.

Барањата на кампањата „Балкан обединети за чист воздух“ се следни:

Да се постави намалувањето на загадувањето на воздухот како национален, регионален и меѓународен приоритет и да се интегрира во сите процеси на планирање.

Зголемување на буџетските средства за контрола на загадувањето и воспоставување системи за следење на загадувањето и неговите здравствени ефекти

Треба да се изградат мултисекторски партнерства на локално, национално и регионално ниво за да се подобри контролата на загадувачите и да се подобри квалитетот на воздухот.

Спречувањето на незаразните болести кои произлегуваат од лошиот квалитет на воздухот мора да биде интегрирано меѓу приоритетите на политиката за животна средина и здравје.

За да го продолжите животот, придружете се на борбата на граѓаните на Западен Балкан во солидарност и станете дел од кампањата „Обединет Балкан за чист воздух“.

Кампањата „Обединет Балкан за чист воздух“ беше иницирана од Европскиот фонд за Балканот во партнерство со следните организации: Еко Форум од Зеница, Институт за територијално управување со животната средина од Тирана, Сбункер и Балкан Грин Фондација од Приштина, AirCare/МојВоздух од Скопје, ОЗОН од Подгорица, Регулаторниот институт за обновливи извори и животна средина и Отворено училиште Белград од Белград. Се одржува втора година по ред, со цел да се подигне свеста на граѓаните во регионот за причините и последиците од загадувањето, можните начини за подобрување на квалитетот на воздухот и борбата за поздрава животна средина.

„Обединет Балкан за чист воздух“ ја нагласува неопходноста од регионална соработка за трансформација на енергетската индустрија и системот за заштита на животната средина, со што би се подобрила и економијата и јавното здравје.

Прикажи повеќе...

Свет

Русија почна големи поморски вежби во Арктикот

Објавено пред

Руски воени бродови денеска влегоа во Баренцовото Море за да вежбаат заштита на главната рута на бродскиот сообраќај на Арктикот, соопшти Северната флота на Русија.

Тоа се случува во време кога Москва организира сеопфатни воени вежби во кои учествуваат сите нејзини флоти.

Вежбите на Арктикот, во кои е планирано да учествуваат околу 30 воени бродови, 20 авиони и 1.200 војници, имаат за цел да ја проценат борбената готовност на руските војници на Арктикот и нивната способност да го заштитат Северниот морски пат.

Војниците ќе вежбаат одбивање воени закани и ќе помогнат да се обезбеди безбедност на поморските патишта и поморските економски активности на руските области во северните мориња во случај на криза, соопшти Северната флота.

Како што објави „Ројтерс“, Русија инвестирала големи средства во инфраструктурата за развој на Северниот морски пат и се надева дека таа ќе стане главна бродска рута бидејќи Арктикот ќе се загрева побрзо од остатокот од светот.

Овој пат во моментов не се користи во зима поради густата ледена покривка.

Минатата недела официјална Москва најави дека ќе објави серија воени вежби, на кои ќе учествуваат сите нејзини флоти во морињата кои се во близина на Русија.

Вежбите ќе вклучуваат и маневри во Средоземното Море, Северното Море, Охотското Море, Североисточниот Атлантик и Пацификот.

Прикажи повеќе...

Најново

Свет37 минути

Италијанските болници одбиваат да лекуваат невакцинирани пациенти, новинари снимиле со скриена камера

Италијанските болници одбиваат да ги лекуваат и оперираат невакцинираните и оние кои не биле заразени. Откако минатата недела во емисијата...

Македонија1 час

Загадениот воздух предизвикува над 30.000 предвремени смртни случаи во Западен Балкан

Загадувањето на воздухот во Западен Балкан предизвикува голем број предвремени смртни случаи, а последиците вклучуваат пократок животен век и влошување...

Свет1 час

Русија почна големи поморски вежби во Арктикот

Руски воени бродови денеска влегоа во Баренцовото Море за да вежбаат заштита на главната рута на бродскиот сообраќај на Арктикот,...

Свет2 часа

Холандија ги олабавува мерките и покрај силниот бран на инфекции – кафулињата и рестораните ќе работат до 22 часот

Холандија од денеска отвора ресторани, театри, музеи и кина и покрај силниот бран на инфекции со варијантата омикрон на коронавирусот,...

Свет2 часа

СЗО: Бројот на заразени со Ковид-19 во светот надмина 350 милиони

Вкупниот број на потврдени случаи со Ковид-19 ширум светот надмина 350 милиони, додека бројот на починати надмина 5,6 милиони, соопшти...

Регион14 часа

Возачот е виновен за автобуската несреќа на „Струма“, заклучи бугарското Обвинителство

Бугарското Обвинителство ја заврши истрагата за автобуската несреќа на автопатот „Струма“, во која загинаа 45 македонски државјани. Заменик-главниот обвинител Борислав...

Регион15 часа

Милановиќ: Хрватски војници нема да одат во Украина

Претседателот на Хрватска, Зоран Милановиќ, денеска изјави дека ако дојде до ескалација, Хрватска ќе ги повлече сите свои војници од...

Македонија17 часа

Рекордни бројки: 2.341 новозаразен од коронавирус, починале 26

Министерството за здравство информира, во согласност со податоците од Институтот за јавно здравје, дека во последните 24 часа направени се...

Свет17 часа

(Видео) Насилни протести во Киев – демонстранти се обидоа да влезат во парламентот

По протестот во Киев, избувна тепачка меѓу насобраните и полицијата. Неофицијално, има и загинати. Претприемачите, кои бараа даночни олеснувања, се...

Македонија18 часа

Ковачевски – Радев: Преку дијалог да дојдеме до решенија што ги почитуваат европските вредности и достоинството на двата народи

Претседателот на Владата, Димитар Ковачевски, придружуван од Артан Груби – прв заменик на претседателот на Владата и министер за политички...

Европа20 часа

Oд 1 февруари нови правила за патување во рамки на ЕУ

Советот на ЕУ усвои ревидирана препорака за мерките кои влијаат на слободното движење за време на пандемијата Ковид-19, според која...

Македонија21 час

Кривични за градоначалникот Пецаков и секретарот Китески, место да се изолираат отишле на прославата на Водици

Министерството за внатрешни работи поднесе кривична пријава за градоначалникот на Охрид, Кирил Пецаков, кој по тестирањето за Ковид-19 не се...

Македонија21 час

(Видео) Ковачевски и Петков задоволни од меѓувладината седница и плановите на петте работни групи

Премиерите Димитар Ковачевски и Кирил Петков на прес-конференцијата од крајот на заедничката седница на Владите на Северна Македонија и Бугарија...

Македонија22 часа

Почина маестро Александар Џамбазов

Денеска во Скопје на 85-годишна возраст почина диригентот и композитор Александар Џамбазов, објави Сојузот на композитори на Македонија (СОКОМ). „Сојузот...

Македонија23 часа

Милошоски: Османи во Собранието да ги презентира македонските одговори на бугарските барања

Со писмо упатено до министерот за надворешни работи бараме да дојде пред Комисијата за надворешна политика во Собранието и да...

Македонија24 часа

Рашковски тврди дека го местат и побара Наќе Чулев да сведочи за софтверот

Ексгенералниот секретар Драги Рашковски тврди дека обвинителката Ивана Трајчева на компјутерски програм си пишувала пораки што ги прикажала како негова...

Македонија1 ден

(Видео) Ковачевски – Петков: Напредок во пријателството наместо национализам и говор на омраза

Премиерот Димитар Ковачевски, придружуван од министрите кои се дел од делегацијата на Владата на Република Северна Македонија, утринава пристигнаа во...

Македонија1 ден

Минатата недела регистрирани 11.610 нови случаи на Ковид-19

Регистрирани сe 11.610 нови позитивни случаи од 35 градови во државата, со зголемување од 4,5% во однос на минатата недела...

Македонија1 ден

Препорака за кратење на периодот на изолација од 10 на 7 дена

Главниот координативен кризен штаб синоќа ја одржа својата втора седница, на која министерот за здравство Беким Сали ја презентираше актуелната...

Свет1 ден

Украинскиот министер призна: Немаме информации дека Русија подготвува офанзива

Вооружените сили на Русија досега не формирале ниту една ударна група, што би укажало дека се подготвува напад на Украина,...

Досие