Министерот за здравство, Азир Алиу заедно со заменик министерот, Јовица Андовски, ги поздравија присутните на отворањето на 27. Синдикална школа на Самостојниот синдикат за здравство, фармација и социјална заштита.

„Во рекордно време реализиравме над 1.250 вработувања во 85 јавни здравствени установи низ државата, како дел од стратешкиот процес на кадровско зајакнување на здравствениот систем. Паралелно го спроведуваме и процесот за вработување на приватните специјализанти, со кој решаваме децениски егзистенцијален проблем на оваа категорија здравствени работници. Самостојниот синдикат за здравство, фармација и социјална заштита е наш партнер со кој со заеднички заложби работиме на унапредување на статусот на секој здравствен работник во државата“, истакна министерот Алиу во видео-обраќањето.

Воедно, тој порача дека Владата реализираше значајно зголемување на платите на здравствените работници, и тоа во износ од 4.815 денари нето за сите здравствени работници, а за медицинските сестри ова зголемување изнесува дури 6.200 денари. Оваа мерка значи суштинско вреднување на трудот на медицинскиот персонал.

Заменик министерот Андовски, пак, кажа дека Министерството за здравство е отворено за соработка со синдикатот.

„Го почитуваме достоинството на докторите и целиот персонал кои се чувари на здравјето на граѓаните. Министерството за здравство е отворено за соработка со синдикатот и заеднички продолжуваме да ги решаваме сите отворени прашања и предизвици, со цел да излезаме во пресрет на здравствените работници и секако на пациентите“, рече во своето обраќање заменик министерот Андовски.

Полските воздухопловни сили, заедно со сојузнички сили од НАТО, утрово беа ставени во состојба на највисока борбена готовност поради масовните руски воздушни напади врз Украина. Како што соопшти Оперативната команда на полскиот Генералштаб, воени авиони биле подигнати во воздух, а активирани биле и системите за противвоздушна одбрана и радарско следење.

„Во согласност со стандардните процедури, активирани се сите расположливи сили и ресурси за заштита на воздушниот простор на Полска“, се наведува во соопштението објавено на социјалната мрежа X.

Polish planes in the air after Russian attack

Poland and allies have sent planes on the wings after Russia launched airstrikes on Ukraine.

It informs the operational command of the Polish military early on Saturday morning, according to Reuters.

At X, the command writes that… pic.twitter.com/XgH5bYz8Ey

— benny 🇩🇰 🇫🇴 🇬🇱 🇪🇺 🇺🇦 (@benny0692698414) September 20, 2025

Руските сили утрово започнаа комбиниран напад врз неколку украински региони, користејќи крстосувачки ракети и дронови. Експлозии одекнале во Павлоград, Николаев и Днипро, каде што е потврдена и една жртва – лице кое загинало при напад на станбена зграда. Според украинските власти, најмалку 13 лица се повредени, а значителна материјална штета е пријавена и на приватни и деловни објекти.

⚡️Russia launches large-scale missile, drone attack targeting regions across Ukraine, including far-west.

Russia launched a large-scale missile and drone attack on Ukraine overnight on Sept. 20, targeting various regions in the country's far-west.https://t.co/ctONuIluVE

— The Kyiv Independent (@KyivIndependent) September 20, 2025

Регионалната воена администрација потврди напади и во околината на Киев, вклучително и во Буча, Бориспољ и Обухив, каде што се регистрирани уништени куќи, гаражи и возила.

По завршувањето на руските удари, полските и сојузничките сили се повлекоа, а сите системи се вратени во нормален режим на работа.

Во меѓувреме, украинската војска соопшти дека си вратила контрола над седум населени места во Доњецка област, при што напредувала за три до седум километри.

Според извештаи на Униан, Русија користела и ирански дронови „Шахед“ за директни напади врз урбани цели, што експертите го оценуваат како показател за недостаток на соодветна техника за прецизни воздушни операции.

Канцеларијата на францускиот премиер, Себастијан Лекорни, наговести дека е во тек воведување на ревидиран, опционален воен рок во земјата.

Доброволниот програм најверојатно ќе вклучува сериозна воена обука и е осмислен да отвори пат за регрутирање во активниот воен состав или резервата, пренесува „Политико“.

Во јули, францускиот претседател Емануел Макрон изјави дека Франција ќе осмисли „нова рамка што ќе им овозможи на младите да служат“ војска, а најавата од кабинетот на Лекорни потврдува дека работата на нејзината реализација напредува.

Франција во 2019 година воведе универзален национален воен рок, односно едномесечна опционална служба за волонтери на возраст од 15 до 17 години, чија цел беше пренесување на француските вредности, но не вклучуваше посериозна воена обука.

Моментално не се зборува за повторно воведување на задолжителниот воен рок во Франција, кој беше укинат од поранешниот претседател Жак Ширак во 1997 година.