Црна хроника
Се продолжува притворот за тетовец кој пијан истепал полицајци на Голема Богородица
Тетовското основно јавно обвинителство поднесе предлог за продолжување на мерката притвор против тетовец, за сторено кривично дело напад врз службено лице при вршење работи на безбедноста.
На 28 август, во комплексот на манастирот Св. Богородица и Св. Атанасиј во село Лешок, осомничениот нападнал службени лица кои вршеле работи од јавна безбедност при што им нанел повреди.
Нападот следел откако по настаната тепачка меѓу посетители на манастирот, меѓу кои бил и осомничениот, полицајците интервенирале со раздвојување на учесниците во тепачката и нивно приведување.
Во тој момент осомничениот се дал во бегство, а по него тргнале полициските службеници. Откако го стигнале, осомничениот видно под дејство на алкохол, продолжил да го нарушува јавниот ред и мир.
Тој давал активен отпор при обидот на полицијата да го тргне од местото на настанот за да ја стават ситуацијата под контрола, при што ги навредувал, се заканувал, ги удирал и им нанел телесни повреди.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Со возило на авто-школа удрен, па натепан малолетник
Вчера во 15.15 часот во СВР Скопје било пријавено дека на паркинг простор пред авто-школа на подрачјето на Бит Пазар, откако со возило бил удрен малолетник од Скопје, возачот од возилото физички го нападнал.
Потоа, според пријавеното, откако малолетникот се пожалил на неговата мајка Ѓ.Ј.(39) од Скопје, таа дошла и од службена просторија на авто школата била истуркана надвор и физички била нападната од истото лице.
Се преземаат мерки за расчистување на случајот, велат од МВР.
Црна хроника
Мотоциклист излета од патот и тешко се повреди
Вчера во 13:30 часот во полициската станица Пробиштип било пријавено дека околу 13 часот во близина на фабрика во Пробиштип, Г.Ѓ.(57) од село Другово, кичевско, управувајќи мотоцикл изгубил контрола и излетал надвор од коловозот.
Во несреќата со тешки телесни повреди се здобил мотоциклистот, констатирани во Медицинскиот центар Штип.
Извршен бил увид од увидна екипа од ОВР Пробиштип.
Црна хроника
Рачна бомба најдена во туристичката населба Отешево
Вчера во 9 часот во полициската станица Ресен, Б.Ѓ. од Ресен пријавил дека на крабрежјето во туристичката населба Отешево, ресенско, пронашол една рачна бомба-кашикара, три артилерски чаури 60 мм и две исправни запалки мм, кои потекнувале од Првата светска војна.
Од страна на пиротехничар од Дирекцијата за заштита и спасување истите се подигнати за понатамошна постапка.