Основното јавно обвинителство Свети Николе поведе постапка против лицето што вршело поткуп пред изборите. Постапка се води и против четири лица кои го примиле поткупот.

„ Осомничениот на 15 октомври 2021 година, во општина Лозово бил забележан како дава пари на граѓани за да гласаат за независен кандидат. Со потврда одземена е документацијата и паричните средства кои биле пронајдени кај осомничениот“ навдува обвинителството.

Осомничениот е задржан во полициска станица. По дадени насоки на обвинителството, полициските службеници прибираат известувања од лицата кои ги примиле паричните средства во висина од по 3000 денари. Се преземаат и други дејствија за расчистување на настанот.

Во општина Лозово денеска е приведено 50-годишно лице кое нудело пари на гласачи за претстојните избори.

Според информациите на МВР, Б.А. од с. Милино давал и нудел пари, а лицата кои добивале пари се потпишувале на документ дека примиле пари.

По документирање на случајот ќе биде поднесен соодветен поднесок.

Украден сеф со 84.000 денари од Пошта во село Мичадиновци.

„ На 14.10.2021 во 8:40 часот во Полициското одделение Петровец било пријавено дека во текот на ноќта со употреба на сила и погоден алат било влезено во објект на АД ‘Пошта на Северна Македонија’ во с.Миладиновци и бил одземен сеф во кој имало 84.000 денари и писма“, соопшти МВР.

Се преземаат мерки за расчистување на случајот.