Црна хроника

Скопјанец обвинет за лабораторија за марихуана во Булачани

Објавено пред

5 месеци

- 27 април, 2020

Од

По спроведена истражна постапка, Основното јавно обвинителство Скопје до Основниот кривичен суд Скопје поднесе обвинителен акт против едно лице што се товари за неовластено производство и пуштање во промет наркотични дроги, психотропни супстанции и прекурсори од член 215 став 1 од Кривичниот законик.

На 2 март, на автобуската станица во населбата Хиподром, обвинетиот 26-годишник во рацете носел две најлонски кеси со марихуана и една дигитална вага, која веднаш му била одеземена од полициски службеници. Подоцна, во неговиот автомобил, паркиран во дворот, биле пронајдени три најлонски кеси и една сина кутија со марихуана, како и еден шприц со хашиш-масло. При претрес на домот на обвинетиот во селото Булачани, пак, било утврдено дека тој неовластено произведувал марихуана за што набавил опрема и инсталирал лабораторија за одгледување. Притоа биле пронајдени и 69 саксии со засадено растение канабис, како и метална кутија со шест полиетиленски паковувања марихуана.

Со оглед на тоа што и натаму постојат околности што укажуваат на опасност од бегство и можност обвинетиот да го повтори делото, надлежниот јавен обвинител до судот достави и посебен предлог со кој побара да се продолжи претходно определениот притвор за обвинетото лице.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:

Следно

Обвинети 19 лица за непостапување според здравствените прописи во Струмица

Претходно

Мотоциклист со тешки повреди пренесен на Клиниката „Мајка Тереза“

Црна хроника

Велосипедист загина во сообраќајна несреќа во Македонски Брод

Објавено пред

4 минути

- 19 септември, 2020

Од

Макфакс

Шеесет и петгодишен велосипедит загина во сообраќајна несреќа што се случила на регионалниот пат Скопје–Македонски Брод.

Според информациите на МВР, несреќата се случила вчера околу 14.50 часот кај место викано „Бабин дол“, кога автомобил „мицубиши“, со скопски регистарски ознаки, управувано од Г.В.(47) од Македонски Брод, удрило во велосипедистот С.П.(65) од Македонски Брод.

По незгодата, велосипедистот бил пренесен во Здравствена установа Македонски Брод, каде од здобиените повреди кај него била констатирана смрт.

Увид на местото на незгодата извршиле Јавен обвинител и екипа од Полициска станица Македонски Брод.

Прикажи повеќе...

Топ

Млад скопјанец осомничен дека криел оружје и дрога во бункери во Бутел

Објавено пред

2 часа

- 19 септември, 2020

Од

Макфакс

Дваесет и четиригодишен скопјанец е осомничен дека ги сокрил оружјето, муницијата и дрогата во бункери во Бутел кои беа откриени на почетокот на мај.

Основното јавно обвинителство Скопје донесе наредба за отворање истрага против едно лице за недозволено изработување, држење и тргување со оружје и распрскувачки материи.

Осомничениот 24-годишник, во текот на април и почетокот на мај годинава, во импровизирани бункери од пластични цевки, закопани во земја во пошумениот дел меѓу улиците „Алпи“ и „Коце Металец“, неовластено држел поголемо количество оружје и муниција и хероин. .

На различни локации биле пронајдени автоматска пушка, 27 куршуми за таа пушка, полуавтоамтска снајперска пушка, автоматско оружје со навој за пригушувач на кое биле залепени две рамки со 34 куршуми, два пригушувачи, уште три автоматски и една полуавтоматска пушка завиткани во крпи, како и уште 38 куршуми.

Освен ова, во пластично буре бил пронајден хероин со вкупна нето количина од 2.362 грама, спакувана во пет пакувања.

Надлежниот јавен обвинител, поради опасност од бегство и можност осомничениот да го повтори делото, до судијата на претходна постапка при Основниот кривичен суд Скопје вечерва достави предлог за определување мерка притвор за осомниченото лице.

Прикажи повеќе...