Црна хроника
Тетовец загина во тешка сообраќајна незгода на патот Скопје – Тетово
Четириесет и петгодишен тетовец загина во сообраќајната несреќа што се случи попладнево на автопатот Скопје – Тетово.
Во несреќата учествувале три патнички возила и товарно возило.
Од СВР Тетово информираа дека две лица се повредени.
„На местото на несреќата животот го загуби Ф. Р. (45) од Тетово. Повредени се Е. К. (22) од Тетово, кој имал тешка телесна повреда – скршеница на ногата, како и Е. Љ. (31), исто од Тетово, која добила потрес на мозокот и е задржана за опсервација во тетовската клиничка болница“, информира портпаролот на СВР Тетово, Марјан Јосифоски.
Увид на местото извршија стручна екипа на СВР Тетово и јавен обвинител. По наредба на обвинителот, ќе се изврши обдукција кај починатото лице.
Во тек е истрага за утврдување на причините поради кои дошло до несреќата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривични за родителите кои им дозволиле на нивните малолетни деца да живеат вонбрачно
Надворешната канцеларија за криминалистички работи Берово поднесе две кривични пријави против Н.Ф.(38) и С.Ф.(34), двајцата од Пехчево и В.Т.(54) од Кочани поради постоење основи на сомнение за сторено кривично дело „вонбрачен живот со дете“.
Пријавените, во период од втората половина на 2023 до 22.02.2024 им овозможиле на нивните малолетни деца, кои се во љубовна врска, да живеат вонбрачно, објави МВР во гдневниот билтен.
Црна хроника
Teтетовец со украдено возило направил сообраќајка
Полицијата поднесе кривична пријава против Л.А.Т. (18) од Тетово поради „тешка кражба“ во обид, „одземање на моторно возило“ и „кражба“.
На 03.02.2024, пријавениот со погоден предмет се обидел да влезе во куќа во Тетово, но бил затекнат од сопственикот.
На 10.02.2024 во двор од куќа одзел патничко возило „цитроен“, а во текот на истиот ден од плац на лице од Тетово одзел мотоцикл „јамаха“, кој го оставил во с.Долно Седларце, тетовско, заедно со патничкото возило, откако направил сообраќајна незгода, објави МВР.
Црна хроника
Се степале вработени во болница во Карпош
Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени во установата.
По целосно документирање на случајот ќе следува соодветен поднесок, објави МВР во дневниот билтен.