210 возачи биле казнети по засилената акциска контрола на МВР денеска во периодот од 5 до 8 часот. Како што информираат од таму, 24 возилa се движелe со брзина над 50 километри на час повеќе од дозволеното, а седум возила се движеле со дури над 70 километри на час повеќе од дозволената брзина.

Од полиција најавуваат дека засилените акциски контроли продолжуваат и во наредните денови.

Полициските службеници денеска уапсиле скопјанка по која била распишана централна потерница.

Како што информира Министерството, денеска, во 11.50 часот, на улицата Ѓурчин Кокале во Скопје, полициски службеници од ЕВР Кисела Вода и ЕВР Чаир, врз основа на судска наредба, ја лишиле од слобода Л. Н. (50) од Скопје, по распишана централна потерница, за издржување казна затвор од една година и шест месеци за сторено кривично дело по член 247 од Кривичниот законик.

Во 12.10 часот лицето било предадено во Полициската станица Ѓорче Петров за спровод во Казнено-поправната установа „Затвор – Идризово“.

31-годишен охриѓанец е уапсен откога првин предизвикал сообраќајна незгода, а потоа насилно се однесувал кон оштетеното лице, но бил агресивен и кон полициските службеници.

Според МВР, вчера, во 20.30 часот, во СВР Охрид бил приведен и лишен од слобода Б. Н. (31) од Охрид.

Тој, претходно, на улицата Марко Нестороски во Охрид, со патнички автомобил „пежо“, со струшки регистарски ознаки, удрил во паркиран автомобил „шевролет каптива“, сопственост на Д. Т. (47) од Охрид, потоа физички го нападнал и со остар предмет му упатил закани.

Б. Н. бил агресивен и кон полициските службеници и се обидел физички да ги нападне.

По целосно расчистување на настанот, против него ќе биде поднесена соодветна пријава.