Црна хроника
Тешко повреден мотоциклист од Скопје
Тешко повреден мотоциклист од Скопје по судир со автомобил на крстосницата од улицата Митрополит Теодосиј Гологанов со улицата Њуделхиска.
Сообраќајната незгода се случила вчера утрото меѓу „бмв х3“, со скопски регистарски ознаки, управувано од К. П. (38) од Скопје, и мотоцикл „кавасаки“, со скопски регистарски ознаки, управуван од Б. Н. (28) од Скопје.
Притоа повреди добил мотоциклистот Б. Н. констатирани во Градската општа болница „8 Септември“.
Увид на местото извршила екипа од СВР Скопје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Починат маж пронајден во Драчево
Вчера во 12:40 часот во СВР Скопје било пријавено дека во домот на подрачјето на Драчево пронајден е починат М.А.(55) од Скопје.
Лекар од Итна медицинска помош констатирал смрт без видливи траги на насилство, а по наредба на јавен обвинител телото на починатиот било дадено на обдукција.
Полицијата соопшти дека бил извршен увид од увидна екипа од СВР Скопје.
Црна хроника
Превезувал дрва со возило без регистарски таблички, па се обидел да ги удри и полициските службеници
ОВР Струга поднесе кривична пријава против Н.Т.(37) од селото Мешеишта, општина Дебрца.
Тој се сомничи за сторено кривично дело „загрозување на сигурноста“.
Имено на 02/03.10.2025 во атарот на струшкото село Мислешево, полициски службеници од ОВР Струга го затекнале пријавениот како управува патничко возило „митсубиши паеро“ без регистарски таблички натоварено со огревно дрво без документација.
Притоа, тој се обидел со возилото да ги удри полициските службеници, по што е лишен од слобода.
Црна хроника
На сила ѝ го украл личниот накит: разбојништво во Струшко
Вчера во 17:00 часот во ОВР Струга, полициски службеници од ОВР Струга го лишија од слобода К.Р.(33) од струшкото село Октиси.
Полицијата постапила по претходна пријава дека околу 16:30 часот на улицата „Маршал Тито“ во Струга со употреба на физичка сила ѝ го одзел личниот накит на Е.Ш.(21) од селото Делогожда, струшко.
По целосно документирање на настанот, против него ќе биде поднесена соодветна пријава, соопштија надлежните.

