Полицијата денеска во Чаир го приведе 28-годишниот А.З. по распишана потерница.

„ Денеска во 14 часот, полициски службеници од Секторот за меѓународна соработка- Отсек за потрага на територија на Чаир го приведоа А. З. (28) по распишана потерница во врска со чл.418 и чл.273 од Кривичниот законик. Лицето е спроведено во полициска станица заз натамошна постапка“ соопшти МВР.

Дваесет и четиригодишен жител на Делчево утрово е уапсен од полицијата по пријава од сограѓанин дека силувал негова роднина.

„ На 31.10.2020 во 06.45 часот полициски службеници од Полициската станица Делчево го лишиле од слобода Б.Ј.(24) од Делчево, постапувајќи по претходна пријава од жител на Делчево дека во 01.30 часот врз негова роднина во нејзиниот дом во Делчево со закана пријавениот извршил обљуба врз неа. Се преземаат мерки за расчистување на случајот“ соопшти МВР.

Педесет и едногодишен кумановец починал додека извршувал работни задачи во локомотива на пругата помеѓу железничка станица “Агино Село“ и железничка станица “Дељадровци“.

Како што соопшти МВР, вчера утрото додека работел С.В. од Долно Коњаре, кумановско, му се слошило, па колегата С.Д. од Куманово го пренел на железничка станица “Миладиновци“ каде од лекар од итна медицинска помош била констатирана смрт.

По наредба на јавен обвинител телото е предадено во судска медицина за обдукција.