Кумановската полиција во попладневните часови на 21 септември привела 27-годишен жител на овој град, со иницијали О. Џ.

Како што информираат од МВР, при контрола извршена од полициски службеници од Одделот за криминалистичка полиција на граничниот премин Табановце кај него бил пронајден кокаин.

Исто така, било утврдено дека при пасошката контрола приложил фалсисфикуван негативен ПЦР-тест.

По целосно документирање на случајот, против 27-годишникот ќе бидат поднесени соодветни пријави.

Полицијата поднесе кривична пријава против 42-годишен охриѓанец со иницијали М. Р. поради сомнение за сторено кривично дело измама.

Како што информираат од МВР, тој во периодот од март до мај годинава довел во заблуда двајца кичевци ветувајќи им дека од странство по поволни услови може да им набави работни машини и комби.

За таа цел, оштетените во неколку наврати на пријавениот му исплатиле 14.700 евра, но услугата не била извршена.

Во акција на полициски службеници од ОВР Гевгелија и СВР Струмица, денеска, по претходно добиена судска наредба, бил извршен претрес на дом и помошни простории кај В. Д. (39) во Гевгелија.

Како што информираат од МВР, при претресот, покрај 39-годишникот, биле затекнати и Н. Ј. (43), В. П. (40), М. С. (41) и Б. Џ. (36), а биле пронајдени хероин и други предмети со остатоци од хероин.

Поради сомневање за сторени кривични дела неовластено производство и пуштање во промет наркотични дроги и овозможување употреба на наркотични дроги, лицата се лишени од слобода и спроведени во ОВР Гевгелија, а по документирање на случајот, ќе следуваат соодветени пријави.