Христијанско-демократската унија ЦДУ/ЦСУ е победник на предвремените парламентарни избори во Германија, а десничарската популистичка Алтернатива за Германија (АфД) е втора политичка сила, според првите излезни анкети.

Фридрих Мерц, лидерот на Демохристијаните (ЦДУ), им се обрати на поддржувачите во Берлин по објавувањето на излезните анкети.

„Победивме на овие избори“, изјави тој со громогласен аплауз.

Неговата партија, заедно со нејзината баварска сестринска партија, Христијанско-социјалната унија (ЦСУ), освои вкупно 29 отсто од гласовите, според непотврдените излезни анкети.

„Она што сакам да им го кажам на нашите гласачи е ви благодарам што ја дадовте довербата во нас, во мене лично и во нашата партија, бидејќи знам што значи тоа во однос на одговорноста“, продолжи тој.

„И јас сум свесен за обемот на работата пред нас. Ја преземам таа одговорност со најголема почит“.

Тој нагласи дека е неопходно брзо да се формира коалиција.

„Надворешниот свет нема да не чека“, рече тој.

„Сега ќе разговараме меѓусебно и мора да формираме одржлива влада во Германија што е можно поскоро – влада која може да дејствува врз основа на мнозинство“.

Вчера во 11.31 часот во СВР Штип, од Клиничка болница Штип било пријавено дека кај нив од Казнено – поправната установа Затвор Штип со знаци на труење бил донесен осуденикот Е.А.(21) од Штип, кој по кратко време починал.

Лекар констатирал смрт, а по наредба на јавен обвинител телото на починатиот било дадено на обдукција.

„На повидок е голем, робусен корупциски скандал во Владата! Бараме премиерот Христијан Мицкоски да излезе и да одговори: дали е точно дека Државниот управен инспекторат констатирал „злоупотреба на службената должност“од страна на министерот и вицепремиер Изет Меџити и неговиот кабинет“, прашува Методија Илиевски, потпретседател на СДСМ.

„Не е прашањето дали Меџити бил лишен од своите надлежности, прашањето е дали во Решението на Инспекторатот од 17.01.2025 година е констатирана злоупотреба на службенета должност.

Бараме веднаш Решението на инспекторатот да биде јавно објавено. Јавноста мора да им увид во сите детали.

Особено што според информациите кои треба да се потврдат оваа мерка е донесена како резултат на бројни поплаки и пријави од граѓани и компании кои биле уценувани и условувани.

Ова се сериозни индикации за робусна корупцијата во врвот на владата на Мицкоски. На колку бизнис компании им е барано мито? Дали Меџити барал мито? Кој е се оштетен?

СДСМ ја повикува Државната комисија за спречување корупција и Јавното обвинителство за отворат предмет и да преземат соодветни постапки.

Очигледно зад превезот на лажниот патриотизам се крие корупција и злоупотреба на државните институции од страна на ДПМНЕ и ВЛЕН. Нема да дозволиме ваквите скандали да останат без правна завршница последици. Надлежните институции мора да реагираат“, изјави Методија Илиевски, потпретседател на СДСМ.