Црна хроника
Автомобил удри во малолетен велосипедист: детето итно пренесено во болница

Тешко повреден малолетен велосипедист кога во него удрил автомобил.
Несреќата се случила вчера попладнето на крстосницата од улицата Индира Ганди и улицата Бутелски венец во Скопје кога автомобил марка „нисан“, со скопски регистарски таблички, управуван од Р. Б. (57) од с. Дејковец, удрило во велосипед, управуван од малолетник од Скопје.
Во несреќата тешки телесни повреди добил малолетникот, констатирани во комплексот клиники „Мајка Тереза“. Извршен бил увид од екипа на СВР Скопје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Татко на синовите им се заканувал со нож, син ја нападнал мајка си – семејно насилство во Скопје

Два случаи на семејно насилство се регистрирани вчера во Скопје.
Нешто пред полноќ, 24-годишен маж од Скопје пријавил дека во дворот од семејната куќа на подрачјето на општина Аеродром, неговиот татко И.Т.(54) со остар предмет упатувал закани кон него и неговиот 26-годишен брат.
На подрачјето на Ѓорче Петров, пак, полицијата го приведе Б.Л.(28) од Скопје, по претходна пријава дека околу 12.00 часот во семејниот дом, физички ја нападнал неговата 50-годишна мајка.
МВР ги расчистува случаите.
Црна хроника
Пожар во Дебреше во дом на притвореник за убиство, најден пиштол

Пиштол бил најден за време на гаснење на пожар во куќа. Горел вториот кат, а во моментот во домот немало никој.
Се работи за куќа во селото Дебреше, која е во сопственост на Б.В. кој моментално издржува мерка притвор во затворот во „Шуто Оризари“ за убиство, соопшти МВР.
Пожарот избувнал утринава два часа по полноќ, а на терен излегле полицијата и пожарникарите. Бил локализиран еден час подоцна.
Во текот на денот ќе се врши увид.
Црна хроника
Скопјанка нападнала две лица по сообраќајно недоразбирање во Карпош

На подрачјето на Карпош, вчера по претходно недоразбирање во сообраќајот, бил нарушен јавниот ред и мир.
Како што објави МВР во дневниот полициски билтен, полициски службеници излегле на лице место, при што било констатирано дека Е.Ѓ.(29) агресивно се однесувала, удирајќи по патничко возило „мерцедес“ со битолски регистарски ознаки управувано од Ј.Б.(39) и сопатникот Е.Ѓ. (29) сите од Скопје, при што физички ги нападнала.
По целосно документирање на случајот ќе следува соодветна пријава.