Црна хроника
Апсења во Скопје, но и во Тетово, во Струга, на автопат: 13 лица со лисици на возраст од 19 до 40 години
![](https://makfax.com.mk/wp-content/uploads/2023/05/apsenjeee.jpg)
Полицијата при контроли заплени хероин, марихуана и друг вид дрога. Уапсени се тринаесет лица, од кои повеќето се во Скопје, а другите во градови во Македонија.
„Ноќеска, околу 00.30 часот, во близина на спортската сала во Тетово, полициски службеници на СВР Тетово ја лишиле од слобода 31-годишната А. Н. од Пробиштип затоа што кај неа бил пронајден и одземен хероин. Во 3.10 часот, пак, на улицата Маршал Тито во Тетово го лишиле од слобода 20-годишниот С. Г. од Скопско затоа што кај него биле пронајдени и одземени марихуана и дробилка“, велат од МВР.
Во Скопје имало осум вакви случаи.
„Вчера, во 22.45 часот, на подрачјето на Центар, полициски службеници од Единицата за интервентна полиција при СВР Скопје го лишиле од слобода М. Ѓ. (18) од Скопје затоа што кај него била пронајдена и одземена марихуана. Во 23.50 часот на подрачјето на Бит-пазар полициски службеници од Единицата за интервентна полиција при СВР Скопје го лишиле од слобода М. И. (25) од Скопје затоа што кај него била пронајдена и одземена бела прашеста материја. Ноќеска, во 2.20 часот, на подрачјето на Аеродром, полициски службеници од Единицата за интервентна полиција при СВР Скопје го лишиле од слобода А. Ј. (23) од Скопје затоа што кај него била пронајдена и одземена прашеста материја. Исто така, ноќеска, во 1 часот, на подрачјето на Карпош, полициски службеници го лишиле од слобода В. Д. (22) од Скопје затоа што кај него била пронајдена и одземена бела прашеста материја. Вчера, во 21 часот, на подрачјето на Бит-пазар, полициски службеници од Единицата за интервентна полиција при СВР Скопје го лишиле од слобода П. Е. (19) од Скопје затоа што кај него била пронајдена и одземена марихуана. Исто така, вчера, во 22.45 часот, на подрачјето на Бит-пазар, полициски службеници од Единицата за интервентна полиција при СВР Скопје го лишиле од слобода А. И. (20) од Скопје затоа што кај него била пронајдена и одземена марихуана. Вчера, во 22.50 часот, на подрачјето на Аеродром, полициски службеници од Единицата за интервентна полиција при СВР Скопје го лишиле од слобода Д. С. (23) од Скопје затоа што кај него биле пронајдени и одземени марихуана и дробилка. На подрачјето на Ѓорче Петров полициски службеници од Единицата за интервентна полиција при СВР Скопје го лишиле од слобода Д. М. (40) од Скопје“, велат од МВР
Ноќеска, по полноќ, на автопатот Гостивар – Тетово, во близина на неготинската клучка, полициски службеници на СВР Тетово – Одделение за внатрешни работи Гостивар го лишиле од слобода 42-годишниот А. М. од тетовско Горно Палчиште затоа што кај него бил пронајден и одземен кокаин. Тој е задржан во Полициската станица Гостивар и по документирање на случајот, против него ќе следува соодветен поднесок.
„Вчера, во 22.30 часот, во близина на населбата Езерски Лозја во Струга, полициски службеници од ОВР Струга ги лишиле од слобода С. С. (23) и О. Ц. (23), двајцата од Република Австрија, затоа што при преглед на возилото „бмв“, со австриски национални ознаки, во кое се наоѓале, биле пронајдени и одземени марихуана и дробилка со остатоци од марихуана. Околу 21.30 часот, на улицата Саво Тасевски во Тетово, полициски службеници на СВР Тетово го лишиле од слобода 18-годишниот тетовец А. Ш. затоа што кај него била пронајдена и одземена марихуана“, додаваат од МВР.
По целосно документирање на случајот, против лицата ќе следува поднесок од полицијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Црна хроника
Казни за 146 возачи во Скопје
![](https://makfax.com.mk/wp-content/uploads/2023/08/policija-soo-1.jpg)
Секторот за внатрешни работи Скопје во текот на вчерашниот ден (02.07.2024) продолжи со контролите во областа на сообраќајот.
На територија на град Скопје изречени се вкупно 146 мерки, меѓу кои за возење без возачка дозвола 15 санкции, три мерки за користење на мобилен телефон при управување, четири мерки за некористење на сигурносен појас, три санкции за минување на затворен сигнал – црвено светло.
Изречени се 43 санкции за прекршоци што ги чинат возачи на мотоцикли, пет мерки за нерегистрирани возила.
Сообраќајните контроли продолжуваат и во наредните денови, најави МВР и апелира до граѓаните да ги почитуваат сообраќајните правила и прописи за посигурни патишта.
Црна хроника
Повредени полицајци: со возило на МВР се судриле со друго возило
![](https://makfax.com.mk/wp-content/uploads/2022/11/policija8_1-199796.jpg)
Вчера во 17.30 часот во СВР Скопје било пријавено дека на автопатот Скопје- Куманово, во близина на клучката „Илинден“ се случила сообраќајна несреќа помеѓу патничко возило „фолксваген поло“ со словенечки национални ознаки, управувано од С.Ш.(78) од Куманово и патничко возило „шкода јети“, сопственост на МВР.
Во несреќата со телесни повреди се здобиле двајца полициски службеници, констатирани во Градска општа болница „Св.Наум Охридски“.
Извршен бил увид од увидна екипа од СВР Скопје.
Црна хроника
Почината жена пронајдена во викенд куќа во Светиниколско
![](https://makfax.com.mk/wp-content/uploads/2023/03/policija-3.jpg)
Синоќа во 19.00 часот во Полициската станица Свети Николе било пријавено дека во викенд куќа на место викано „Овче поле“ била пронајдена почината Б.С., на возраст од околу 60-тина години.
Излезено било на местото на настанот од полициски службеници од ОВР Свети Николе и по наредба на Јавен обвинител телото на починатата било дадено за обдукција.