Американскиот потпретседател Џеј Ди Венс одговори на тврдењата дека администрацијата на Трамп попушта пред Русија.

„Ние преговараме за крај на конфликтот. Тоа е попуштање само ако мислите дека Украинците имаат веродостоен пат до победата. Тие немаат, така што тоа не е отстапка“, вели тој во објавата на Икс.

Тој продолжува дека ова произлегува од критиките упатени кон претседателот Трамп за неговите разговори со Русите.

„Па, претседателот верува дека за да се води дипломатија, всушност треба да се разговара со луѓето. Тоа порано се нарекуваше државничко однесување“, вели тој.

Тој, исто така, вели дека постои заблуда дека САД им дале на Русите сè што сакаат.

Венс додава дека со задоволство ги брани критиките на Трамп кон украинското раководство.

Во претходното интервју за Фокс њуз, Трамп го критикуваше украинскиот претседател Володимир Зеленски дека не преговарал за мировен договор во изминатите три години, велејќи дека го смета украинскиот претседател ирелевантен за мировните преговори.

Трамп неодамна го нарече Зеленски и диктатор.

Ариел и Кфир Бибас, две израелски момчиња киднапирани од Хамас за време на терористички напад на 7 октомври 2023 година, беа „брутално убиени со голи раце“, изјави денеска портпаролот на ИДФ, контраадмирал Даниел Хагари, отфрлајќи ги тврдењата на Хамас дека семејството било убиено во израелски воздушен напад.

Во телевизиска изјава, Хагари нагласи дека двете млади момчиња, кои имале 4 години и 10 месеци во моментот на нивната смрт, не биле фатално повредени во бомбардирањето, туку биле убиени на особено брутален начин од нивните киднапери, кои потоа ги осакатувале нивните тела за да го прикријат злосторството. „Екстремистите извршија грозоморно злосторство, третирајќи ги немоќните како што правеше ИСИС“, рече тој.

BREAKING:

Spokesman of the Israeli Army Daniel Hagari just announced that the forensic examination of the bodies of 9-month-old Kfir Bibas and his 4-year-old brother Ariel were beaten to death by Hamas.

They weren’t killed in an airstrike, they were brutally murdered pic.twitter.com/YdcoAbFBZK

— Visegrád 24 (@visegrad24) February 21, 2025

Хагари истакна дека форензичките докази, заедно со разузнавачките извештаи, ја потврдуваат нивната судбина. ИДФ ги сподели овие разузнавачки информации со меѓународните партнери, додаде тој.

Тој, исто така, откри дека разговарал со таткото на момчињата, Јарден Бибас, кој и самиот беше киднапиран за време на нападот на Хамас на 7-ми октомври, но беше ослободен претходно овој месец како дел од тековниот договор за киднапирањата.

“Ariel and Kfir Bibas were murdered by terrorists in cold blood.
The terrorists did not shoot the two young boys—they killed them with their bare hands.
Afterwards, they committed horrific acts to cover up these atrocities.”

-IDF Spokesperson RAdm. Daniel Hagari

— Israel Defense Forces (@IDF) February 21, 2025

„Јарден сака целиот свет да знае за бруталниот начин на кој биле убиени неговите деца“, рече Хагари.

Освен тоа, Хагари бараат враќање на телото на нивната мајка, Шири Бибас, која требало да биде вратена во Израел со посмртните останки на нејзините деца. Наместо тоа, Хамас го предаде телото на неидентификувана жена од Газа, што ИДФ го осуди како сериозно кршење на договорот.

Хагари понатаму откри дека Одед Лифшиц, 83-годишник чии останки биле вратени со децата Бибас, бил егзекутиран од неговите киднапери во првите недели од војната.

Американскиот претседател ја продолжи вербалната војна против својот украински колега.

Овој пат Доналд Трамп изјави дека Зеленски не е доволно важен за да биде на состаноците, мислејќи на потенцијалниот мировен договор во Украина за кој, наводно, разговараат САД и Русија, но без присуство на Украина.

„Мислам дека Зеленски не е доволно важен за да биде на преговорите“, рече Трамп во интервју за Фокс Радио.

Трамп беше критикуван дека ги изостави Европа и Украина од разговорите со Москва претходно оваа недела, поради стравувањата дека САД би можеле да го принудат Киев да направи отстапки за да се постигне договор со Русија.

Другите западни лидери го предупредија Владимир Путин дека нема „апетит“ за мир, но Трамп во истото интервју рече дека верува во спротивното.

„Тој не мора да се согласи со договорот. Затоа што ако сакаше, ќе ја добиеше целата земја“, рече Трамп.

Кога водителот Брајан Килмид му рече дека Путин е виновен за војната, Трамп одговори: „Уморен сум да го слушам тоа“.

Минатата недела патувањето на неговиот министер за финансии во Киев го нарече губење време. Американскиот министер за финансии Скот Бесент отиде во Украина за да види каков ќе биде американско-украинскиот договор за минерали.

„Искрено, посакувам да не отидеше таму, така да го троши времето“, рече Трамп.