Црна хроника
Безбедно лето: 66 санкции за мотоциклисти

Денеска (03.07.2022), на подрачјето на целата држава, а особено во шумските подрачја, полициски службеници од Одделот за униформирана полиција при БЈБ во МВР, од сите Сектори за внатрешни работи и Одделот за гранична работи и миграции и Регионалните центри за гранични работи спроведоа контрола за почитување на забраната за движење од 06.00 до 20.00 часот во шумските подрачја воведена од Министерството за земјоделство, шумарство и водостопанство, како и за прекршоците што ги прават мотоциклистите.
Притоа, биле констатирани 66 прекршоци, од кои 28 некористење заштитен шлем – кацига и 20 управување без возачка дозвола.
Исто така, 24 мотоциклисти биле исклучени од сообраќај, а биле одземени и четири мотоцикли.
Во рамки на контролите биле одземени едно патничко и едно товарно возило на подрачјето на СВР Штип и Регионалниот центар за гранични работи Север.
Во рамки на контролата биле откриени и 191 останати прекршоци.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Топ
Го следеле од менувачница, го нападнале и му ги зеле парите

Основното јавно обвинителство Куманово поведе истражна постапка против две лица осомничени за кривично дело – Разбојништво по член 237 став 1 од Кривичниот законик, откако пред четири дена физички нападнале маж и му одзеле поголема сума пари.
Според информациите од обвинителството, осомничените го забележале оштетениот додека разменувал девизи и почнале да го следат со намера да му ги одземат средствата. Откако тој се приближил до неговата семејна куќа, двајцата го нападнале, нанесувајќи му удар со тупаница во пределот на главата. Жртвата паднала на земја и изгубила свест, по што му биле одземени 172.000 денари и 37.460 српски динари.
Со цел обезбедување на истрагата и спречување на можноста за бегство, судија на претходна постапка им определи мерка притвор во траење од 30 дена на двајцата осомничени.
Обвинителството продолжува со прибирање на докази за целосно расветлување на случајот.
Црна хроника
Уапсен пијан возач во Дебарско, возел со 2,69 промила алкохол во крвта

Полицијата уапси пијан возач од дебарско кој возел со 2,69 промили алкохол во крвта.
Според информациите на МВР, вчера во 12.40 часот, полициски службеници го лишиле од слобода Џ.Е.(54) од с.Џепиште, дебарско. При контрола во патниот сообраќај, полициските службеници сопреле патничко возило „форд“ со дебарски регистарски ознаки, кое го управувал и по преземени мерки било констатирано дека е под дејство на алкохол, односно дека има 2,69 промили алкохол во крвта.
Тој бил исклучен од сообраќај и задржан во полициска станица, а по целосно документирање на настанот против него ќе биде поднесена пријава по член 297-а од Кривичниот законик – „безобѕирно управување со моторно возило“.
Црна хроника
Тешко повредено деветгодишно девојче од Радовиш: го удрил мопед управуван од пијан возач

Вчера во 17.30 часот во Радовиш, полициски службеници од ОВР Радовиш го привеле Б.З.(40) од Радовиш.
Во 14.45 часот на крстосница од ул.„Плачковица“ и ул.„Мирче Ацев“ во Радовиш, управувајќи мопед „томос“ со 2,02 промили алкохол во крвта, тој удрил во деветгодишно девојче од Радовиш, која се здобила со тешки телесни повреди, констатирани во Итна медицинска помош Радовиш.
Лицето било задржано во полициска станица, а увид извршила увидна екипа на ОВР Радовиш.
По целосно документирање на случајот, против него ќе биде поднесена соодветна пријава, соопшти полицијата.