Црна хроника
Брканица на автопат: Полицијата не можела да запре скопјанец, кој во „ауди“ качил 11 магринати
Приведен 22-годишен скопјанец, кој бил фатен како превезува 11 Сиријци.
Тој не застанал на полицискиот знак, по што следела брканица. И.Б. бил приведен утрово околу 06.10 часот на автопатот Гевгелија – Скопје, во близина на наплатна станица Демир Капија.
При преглед во возилото „ауди“ со швајцарски национални ознаки, кое го управувал, биле пронајдени 11 лица мигранти од Сирија, од кои дел малолетници. Имено, претходно тој не застанал на знак за запирање, продолжил со движење и со возилото ја скршил рампата на наплатната станица. По преземени мерки возилото било запрено, по што И.Б. се обидел да избега, но бил фатен и приведен. Мигрантите биле спроведени во прифатно-транзитен центар, а лицето било задржано во полициска станица. По целосно документирање на случајот против него ќе биде поднесена соодветна пријава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен 30-годишен скопјанец, кај него биле пронајдени боксирач, електричен парализатор и нож
Денеска во 01.40 часот во Скопје, на подрачјето на Бит Пазар, полициски службеници од Единицата за интервентна полиција при СВР Скопје го привеле 30-годишен С.Н. од Скопје затоа што кај него биле пронајдени и одземени боксирач, електричен парализатор и нож, извести МВР.
По целосно документирање на случајот ќе следува соодветен поднесок по член 80 од Законот за оружје.
Црна хроника
Прегазен велосипедист во центарот на Скопје, со тешки повреди пренесен во болница
Вчера околу 11.00 часот во СВР Скопје било пријавено дека на крстосница од улицата „Васил Главинов“ со улицата „Максим Горки“ се случила сообраќајна несреќа помеѓу патничко возило „опел корса“ со скопски регистарски ознаки, управувано од 38-годишниот С.Н. и велосипед управуван од 40-годишниот И.Д., двајцата од Скопје, извести МВР.
„Во несреќата со тешки телесни повреди се здобил велосипедистот, констатирани во Градската општа болница „Св.Наум Охридски“ во Скопје. Извршен бил увид од увидна екипа на СВР Скопје“, соопшти МВР.
Црна хроника
Двајца повредени при судир на велосипеди во Штип
Вчера околу 18.00 часот во СВР Штип било пријавено дека на велосипедска патека на улицата „Партизанска“ во Штип се случила сообраќајна несреќа помеѓу велосипед управуван од 51-годишниот Ѓ.Г. од Штип и друг велосипед управуван од 68-годишниот Н.Т. од Струмица, извести МВР.
„Во несреќата со тешки телесни повреди се здобил Н.Т., додека со телесни повреди велосипедистот Ѓ.Г., констатирани во Клиничка болница Штип. Извршен бил увид од увидна екипа на СВР Штип“, соопшти МВР.