Црна хроника
Велешанец со нож нападнал сограѓанин во свињарска фарма
Во текот на вчерашниот ден на местото наречено Штипска Петла, во дворот на свињарска фарма, по претходна вербална расправија, 25-годишен велешанец со нож физички нападнал свој 27-годишен сограѓанин, при што му нанел телесни повреди во пределот на главата.
Како што инфомираат од МВР, П.Ч. (55) и Б.Ч. (31) го спречиле напаѓачот да продолжи со агресијата, по што тој со секира им упатил закани за животот.
По преземените мерки, напаѓачот бил приведен од страна на полицијата и задржан во СВР Велес, а нападнатиот 27-годишник бил пренесен во велешката болница, од каде што бил пуштен на домашно лекување.
Полицијата презема мерки за целосно расчистување на настанот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Затвореници претепале друг осуденик во затворот Идризово
Вчера во 10.00 часот во СВР Скопје било пријавено дека во Казнено – поправната установа Затвор Идризово, осуденикот А.Б.(35) од Скопје бил физички нападнат од осудениците З.Р. и К.Л..
Се преземаат мерки за расчистување на случајот.
Црна хроника
Скопјанец претепан од својот внук
Вчера во 22.45 часот во СВР Скопје, 49 – годишен жител на скопско село пријавил дека околу 22.00 часот во неговиот дом, по претходна расправија, бил физички нападнат од неговиот малолетен внук од Скопје.
Се преземаат мерки за расчистување на случајот.
Црна хроника
Во Центар пронајден починат маж, телото предадено на обдукција
Вчера во 13.30 часот во СВР Скопје било пријавено дека во домот на подрачјето на Центар во Скопје бил пронајден починат В.М.(65) од Скопје.
Лекар од Итна медицинска помош констатирал смрт, а по наредба на јавен обвинител телото на починатиот било предадено на обдукција.