Топ
(Видео) Кокаинот од Колумбија бил скриен во банани, приведени се четири лица
МВР соопшти детали за запленетиот килограм кокаин по потекло од Колумбија, кој беше запленет во полициска акција во селото Крушопек во скопски Сарај. Кокаинот бил дел од многу голема количина дрога, чија крајна дестинација била нашата земја. Приведени се четири лица и отворена е финансиска истрага за правното лице во чии простории е пронајдена дрогата. Во тек е истрага и за евентуална вмешаност на други физички и правни лица, информира на прес-конференција министерот за внатрешни работи, Наќе Чулев.
По претходно добиено известување, Министерството за внатрешни работи во соработка со ОЈО за ГОКК презеде широк спектар оперативно-технички и полициски мерки и активности за пресекување меѓународен канал за транспорт на кокаин во големи количини по потекло од Колумбија. По ова, веднаш беа преземени соодветни оперативни подготовки и активности од страна на македонската полиција и во рамките на истрагата во координација со Јавното обвинителство и со царинските и полициските служби од Македонија беше утврдено дека краен примач на пратките со банани е правното лице од Скопје – „Банекс компани“ ДООЕЛ, информираат од МВР.
Како резултат на сето тоа, вчера (19 февруари), околу 9 часот, на ГП Ќафасан, Струга на влез во нашата држава евидентирано е ТМВ, „ивеко“, влекач и приколка, управувано од триесет и едногодишниот Ј. К., државјанин на Црна Гора, кој по завршување на царинските формалност, со товарното возило се упатил кон скопското село Крушопек. По пристигнувањето на возилото во Крушопек, од страна на полициски службеници, а по претходно обезбедена судска наредба, извршен е претрес во магацински простор, при што затекнати биле и лицата Ј. Е. (22), инаку син на сопственикот на правното лице, кое е краен примач на стоката, и Р. И. (51) од Скопје, вработено лице, кои вршеле истоварање на стоката. При извршување на истоварот на самото место, неповикан дошол и 47-годишниот С. Е. од Скопје, воедно сопственик на правното лице.
При извршениот детален претрес на магацинот и камионот со кој се превезувале банани, во еден од пакетите било пронајдено едно правоаголно пакување со непозната бела прашеста материја – кокаин, кое било облепено со зелена трака. Тоа е одземено и предадено на понатамошно вештачење. Исто така, при претресите биле пронајдени и одземени мобилни телефони, парични средства во износ од речиси 3.000 евра, 700 долари, 188 илјади денари, како и товарно моторно возило „ивеко“, заедно со 1.098 пакети банани и друга документација.
По завршување на претресот, од слобода се лишени Ј. К. – возач на камионот, С. Е. – сопственик на правното лице и краен примач на стоката, и Ј. Е. и Р. И. – кои биле затекнати во магацинот додека се вршел истовар на стоката. Тие се задржани во полициска станица и во текот на денот ќе бидат предадени за понатамошна постапка кај надлежен јавен обвинител.
„Првичните проверки укажуваат дека правното лице, кое е увозник, претходно во 120 наврати извршила увоз на овошје, во најголем дел од Колумбија и во помал дел од Еквадор.
На крајот ќе споменам дека станува збор за меѓународна операција против криминалните структури вклучени во трговија со дрога и во оваа пригода сакам да изразам благодарност до колегите во Министерството за внатрешни работи, ОЈО и Царинската управа, како и партнерските институции од земјите што се вклучени во оваа акција за високото ниво на соработка и конспиративноста во реализација на оваа полициска акција.
Во текот на денешниот ден и деновите што следуваат од страна на Министерството за внатрешни работи ќе бидат преземени опсежни мерки за известување на земјите низ кои поминувал транспортот сè со цел добивање дополнителни информации и утврдување други криминални групации кои се вклучени во оваа трансационална нелегална активност.
Покрај овие меѓународни активности, Министерството за внатрешни работи ќе преземе активности за утврдување други правни или физички лица, кои се во корелација со конкретното правно лице, а би можеле да бидат вклучени во оваа нелегална активност. А дополнително, во текот на денот ќе биде почната и финансиска истрага кон конкретниот правен субјект и физичките лица.
Со оглед на тоа дека се работи за голема количина, која, според информациите, била со крајна дестинација во нашата држава, уште еднаш се потенцира релевантноста на македонските криминални групи на меѓународниот кокаински пазар, а од друга страна, инфериорноста и отсуството на волја од претходните политички фактори во државата за преземање одлучни и конкретни чекори во справување со ова зло на нашето опшество“, велат од МВР.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Какви беа последните денови на папата Франциско: „Изгледаше како да се збогува“
Во понеделникот точно напладне црковните ѕвона ширум Италија одекнаа во жалост. Почина папата Франциско. Не поминаа ни 24 часа откако папата ненадејно се појави на балконот со поглед на плоштадот Свети Петар, каде благослови 35.000 верници собрани на велигденските прослави во Ватикан.
И покрај советот на лекарите дека по 38 дена во болница за билатерална пневмонија, тој треба да помине најмалку два месеци во опоравување, папата дишеше самостојно, без помош на кислород. Како и во текот на неговиот понтификат, Франциско не мируваше во последните недели од својот живот – тој продолжи да прима посетители и да се среќава со луѓе од секакво потекло.
Кога се појави пред верниците во неделата на Велигден, плоштадот Свети Петар најпрво избувна во воодушевување, за потоа да сите да замолкнат. „Драги браќа и сестри, ви посакувам среќен Велигден“, рече папата со тежок, уморен глас. Ова беа неговите последни зборови во јавноста, пишува Би-би-си.
Имавме чувство дека го гледаме за последен пат“, изјави Мауро, жител на Рим кој го помина Велигден на плоштадот Свети Петар, а потоа се врати да му оддаде почит. „Обично се слушаат извици – Да живее папата! но овој пат беше многу потивко, како секој инстинктивно да покажува почит кон неговото страдање“.
„Не благослови, но неговиот глас беше слаб“, изјави Алберто за Би-би-си. „Изгледаше како да се простува со тој благослов“.
Лекарите во болницата Гемели му препорачаа целосен одмор, но папата, познат по својата блискост со народот, имаше тешкотии да прифати мирен живот далеку од народот. Веднаш откако лекарите му објаснија дека неговата состојба нема брзо да се стабилизира, Франциско јасно стави до знаење дека сака да биде во Ватикан за Велигден.
За христијаните Велигден има посебно значење бидејќи го симболизира воскресението Христово, основен настан на верата. Пред да биде отпуштен од болницата на 23 март, папата им мавна на насобраните верници од прозорецот на болницата, а потоа се врати во својот дом во Домот Света Марта, скромна резиденција што тој ја избра наместо луксузните папски станови.
Лекарите веруваа дека таму полесно и безбедно ќе закрепне, далеку од ризикот од болнички инфекции. Како што се приближуваше Велигден, папата сè повеќе ги зголемуваше своите активности. Во домот Света Марта ги прими кралот Чарлс и кралицата Камила, а четири дена подоцна, на Цветници, спротивно на препораките на лекарите се појави на балконот пред 20.000 собрани верници.
Но, за Франциско, Велигден беше најважниот празник.
Минатиот четврток, како и претходно, папата го посети затворот Регина Коели во Рим. Иако поради здравствената состојба не можеше да им ги измие нозете на затворениците, што го правеше во претходните години по примерот на Христос, половина час се сретна со притворениците кои го поздравија со аплауз. „Не можам да го направам тоа оваа година, но сакам да бидам блиску до вас“, рече папата со слаб глас.
„Навистина имаме среќа. Надворешниот свет не може да го види тоа, но ние можеме“, изјави еден од затворениците за новинарите. Додека го напушташе затворот, новинарите го прашаа како ќе го прослави Велигден оваа година. „Како што можам најдобро“, одговори тој.
"Good morning and happy Easter." The moment Pope Francis appears at the balcony overlooking St. Peter's Square before handing over his Urbi et Orbi to the master of ceremonies to read. pic.twitter.com/3ALrD9AY5A
— Colm Flynn (@colmflynnire) April 20, 2025
И го исполни ветувањето.
На Велигден, тој ги прими американскиот потпретседател Џеј Ди Венс и хрватскиот премиер Андреј Пленковиќ, а потоа се појави пред толпата на плоштадот Свети Петар и го предаде својот последен благослов Urbi et Orbi.
Неочекувано, папата потоа се спушти на плоштадот и возеше меѓу верниците во папамобилот, делејќи благослов на толпата, кревајќи ја раката и благословувајќи ги децата кои верниците му ги доближиле. Тоа беше последен пат кога луѓето го видоа жив.
„Не бев среќен кога го гледав. Можеше да се види дека страда“, рече Алберто. „Но, ми беше чест да го видам последен пат“. Папата Франциско почина рано наутро во понеделникот во својот дом, едноставна резиденција управувана од калуѓерки каде што живеел меѓу обичните луѓе во текот на неговиот понтификат.
Два и пол часа по неговата смрт, камерленгото официјално ја објави веста. Ватикан подоцна потврди дека папата починал од последиците од мозочен удар и неповратна срцева слабост.
Франциско никогаш не сакал да живее во луксузот на традиционалните папски станови. Од самиот почеток рече дека сака да биде меѓу луѓето. „Ако живеев сам, во изолација, тоа немаше да ми донесе ништо“, рече тогаш.
Европа
„Гробот нека биде едноставен, без украси, на плочата нека стои еден збор“: Ватикан го објави тестаментот на Папата
Папата Франциско во својот последен тестамент потврди дека сака да биде погребан во базиликата Света Марија Велика во Рим, наместо во базиликата Свети Петар во Ватикан, каде што многу од неговите претходници го најдоа своето последно почивалиште.
Во тестаментот објавен од Ватикан, Франциско јасно ја изразил својата желба да биде погребан „во земја, без посебни украси“, а над неговиот гроб треба да стои едноставна плоча со неговото папско име на латински: Franciscus.
Папата исто така напишал дека договорил неименуван добротвор да ги покрие трошоците за неговиот погреб.
„Трошоците за подготовка на погребот ќе бидат покриени од сумата што ја обезбеди добродетелот, кој договорив да биде префрлен во базиликата Света Марија Велика“, стои во тестаментот.
Европа
Ватикан: Папата почина од мозочен удар и срцево затајување
Ватикан објави дека папата Франциско починал од мозочен удар кој предизвикал кома и неповратно срцево затајување. „Смртта е констатирана со електрокардиограм“, пишува во изводот на смртта потпишан од директорот на Одделот за здравје и хигиена на Ватикан, професор Андреа Аркангели.
„Потврдувам дека Неговата Светост Франциско (Хорхе Марио Бергољо), роден во Буенос Аирес (Аргентина) на 17 декември 1936 година, жител на Ватикан, државјанин на Ватикан, почина во 7:35 часот на 21 април 2025 година, во неговиот стан во резиденцијата Санта Марта“, напиша тој.
Аркангели наведува дека папата по мозочниот удар прво паднал во кома, а потоа починал. Причините за смртта се „мозочен удар“, „кома“ и „неповратна кардиоциркулаторна инсуфициенција“, се вели во соопштението. Во документот се додаваат и претходните здравствени проблеми на папата, „епизоди на акутна респираторна инсуфициенција со билатерална мултимикробна пневмонија, хипертензија и дијабетес тип II“.
Папата Франциско почина околу 90 минути откако утрово го разбудил будилникот, јавија италијанските медиуми. Тој наводно се разбудил кога алармот му се вклучил во 6 часот, му се слошило во 7 часот наутро, а починал од мозочен удар во 7:35 часот, пишува „Кориере дела Сера“. Лекарите претходно објавија дека тој „починал мирно“.
(Видео) Какви беа последните денови на папата Франциско: „Изгледаше како да се збогува“
Во понеделникот точно напладне црковните ѕвона ширум Италија одекнаа во жалост. Почина папата Франциско. Не поминаа ни 24 часа откако...
„Гробот нека биде едноставен, без украси, на плочата нека стои еден збор“: Ватикан го објави тестаментот на Папата
Папата Франциско во својот последен тестамент потврди дека сака да биде погребан во базиликата Света Марија Велика во Рим, наместо...
Ватикан: Папата почина од мозочен удар и срцево затајување
Ватикан објави дека папата Франциско починал од мозочен удар кој предизвикал кома и неповратно срцево затајување. „Смртта е констатирана со...
На Табановце и Богородица се чека еден час за влез во државата
Сообраќајот на државните патишта се одвива непречено, по суви коловози, извести АМСМ. Интензитетот на сообраќај на патните правци надвор од...
Шок и солзи во Ватикан: „Големиот папа нè напушти, уриваше бариери“
„Почина голем папа“, вели Фабио Малвеси, сè уште видно шокиран, како и многумина од верниците и туристите кои се собраа...
Струмичко-скопскиот епарх монсињор д-р Киро Стојанов упати писмо по повод упокојувањето на папата
Скопскиот бискуп и Струмичко-скопски епарх монсињор д-р Киро Стојанов, на Светол Понеделник, 21 април 2025 година упати писмо до сите...
Светските лидери се збогуваа со папата: „Тој секогаш беше на страната на најранливите“
Реакции за смртта на папата Франциско доаѓаат од сите страни, а високи функционери од бројни земји се согласуваат дека „народниот...
СДСМ бара оставка од Љутков „за хаосот во културата“
„СДСМ најостро реагира на катастрофалното раководење со културата од страна на министерот Зоран Љутков, кој остави над 3.000 културни работници...
Ватикан активира специјален режим по смртта на папата
По смртта на папата Франциско во понеделникот, во Ватикан настапи седисваканција – период без папа. Терминот седисваканција доаѓа од латинскиот...
Почина папата Франциско
Папата Франциско почина утринава на 89-годишна возраст, соопшти Ватикан. „Утринава во 7:35 часот, бискупот римски Франциско се врати во домот...
Спроведени 617 вонредни контроли пред Велигден, уништени 1 740 килограми небезбедна храна
Шестотини и седумнаесет вонредни контроли спроведоа инспекциските служби на Агенцијата за храна и ветеринарство (АХВ) пред велигденските празници. Кај 16...
„Дали молкот на СДС, Филипче и Заев е потврда дека тие поседуваат златни визи за Дубаи“, прашува ВМРО-ДПМНЕ
„СДС, Венко Филипче и Зоран Заев мудро молчат и немаат аргументи да реагираат, ниту пак ги демантираат нашите дилеми. Помина...
Предупредување за воздушни напади во Украина неколку часа по завршувањето на велигденскиот прекин на огнот
Ширум Украина рано утринава тревога за воздушни напади, само неколку часа по истекот на „велигденскиот прекин на огнот“. Украинските воздухопловни...
Кина: Цврсто ќе се спротивставиме на секој што ќе постигне договор на штета на Кина
Кина ги почитува сите страни кои ги решаваат економските и трговските спорови со САД преку консултации на еднаква основа, но...
Трамп: Се надевам на брз договор меѓу Украина и Русија, и двете држави можат да направат богатство
Американскиот претседател Доналд Трамп изјави дека се надева оти договор меѓу Русија и Украина ќе биде постигнат во неделата што...
Украина: Русија 2.000 пати го прекрши примирјето
Украинскиот претседател Володимир Зеленски ја обвини Русија во неделата дека го прекршила велигденскиот прекин на огнот повеќе од 2.000 пати,...
Гаши демантира дека ја напушта коалицијата Вреди, останува лојален на гласачите
Претседателот на Собранието, Африм Гаши, преку објава на Фејсбук ги демантираше информациите што се појавија во некои медиуми дека ја...
Пет лица се повредени во сообраќајката кај „Градска болница“
Пет лица се повредени, од кои едно потешко, во тешка сообраќајна несреќа што се случи синоќа во центарот на Скопје,...
Меџити: Вреди ќе се менува, платформата станува партија
Од платформата Вреди наскоро ќе произлезе нова политичка партија, која ќе настапи обединето на претстојните локални избори. Како што најави...
Откриен големиот воен проект на Трамп, Илон Маск е вклучен во сѐ
Компанијата на Илон Маск, заедно со партнерите „Palantir“ и „Anduril“, моментално е еден од главните кандидати за развој на клучните...
