Соединетите Американски Држави вршат силен притисок врз Украина што е можно поскоро да го прифати мировниот план што администрацијата на американскиот претседател Доналд Трамп го договори со Москва за прекин на војната на Русија против Украина, пишува „Фајненшл тајмс“, повикувајќи се на украински претставници.

Украински претставници и лице запознаено со процесот го споредија пристапот на САД со агресивниот притисок што Вашингтон го изврши оваа година врз претседателот Володимир Зеленски да прифати договор за правата на минерални богатства, според „Фајненшл тајмс“.

The full 28-point U.S. peace plan for Ukraine, reportedly backed by Trump, has been published by MP Honcharenko. This thread outlines the key points. What’s clear is that the so-called Witkoff plan heavily favors Russia while offering little to nothing for Ukraine.

1/9 pic.twitter.com/EzuCTiQNRB

— NOELREPORTS 🇪🇺 🇺🇦 (@NOELreports) November 20, 2025

Според „Фајненшл тајмс“, мировниот план од 28 точки, одобрен од претседателот Доналд Трамп вчера и развиен од американските и руските преговарачи, повикува на големи отстапки за Украина што ги преминуваат нејзините долгогодишни црвени линии.

Украински претставници велат дека администрацијата на претседателот Трамп ги информирала Зеленски и неговиот тим дека Белата куќа работи кон „агресивен“ временски рок за финализирање на предлогот до крајот на годината.

The American side presented points of a plan to end the war—their vision. I outlined our key principles. We agreed that our teams will work on the points to ensure it’s all genuine.

We're geared up for clear and honest work—Ukraine, the U.S., our European and global partners. pic.twitter.com/DscaCBg4vW

— Volodymyr Zelenskyy / Володимир Зеленський (@ZelenskyyUa) November 20, 2025

Американците го очекуваат потписот на Зеленски во рок од една недела
Според нив, американските претставници очекуваат Зеленски да го потпише договорот пред Денот на благодарноста, или до четврток следната недела, со цел да го презентира мировниот договор во Москва овој месец и да го склучи на почетокот на декември.

Но, тој рок се смета за многу малку веројатен, бидејќи претставници од кабинетот на украинскиот претседател изјавија дека неколку точки во предлогот претставуваат јасни црвени линии за Украина.

Киев подготвува контрапредлози, се очекува отпор од општеството
Украинските претставници додадоа дека работат на контрапредлози за американската страна. Се очекува и отпор од украинското граѓанско општество кон секој договор што би можел да се сфати како капитулација или како план што е во корист на Москва, објавува ФТ.

„Ова е договорот Минерали 2.0“, рече висок украински функционер, осврнувајќи се на договорот меѓу Киев и Вашингтон склучен претходно оваа година, со кој на САД им беа дадени права за клучните украински минерали.

Киев го сметаше договорот за неопходен за да се добие наклонетост кај администрацијата на Трамп и да се обезбеди поддршка во одбраната од Русија.

"It's a good plan for both Russia and Ukraine."

White House press secretary Karoline Leavitt confirms that the US has been holding secret peace talks with Ukraine and Russia, insisting that both sides have been engaged with "equally".

Live updates ➡️ https://t.co/9y2jfd40kz pic.twitter.com/k9GjJQfVYj

— Sky News (@SkyNews) November 20, 2025

Белата куќа: Планот е добар за двете страни
Портпаролката на Белата куќа, Каролина Ливит, изјави дека специјалниот пратеник на Трамп, Стив Виткоф, и американскиот државен секретар Марко Рубио „тивко“ работеле на мировниот план во изминатиот месец.

„Претседателот го поддржува овој план“, рече таа. „Тоа е добар план и за Русија и за Украина и веруваме дека треба да биде прифатлив за двете страни. Работиме многу интензивно за да го финализираме“, рече таа.

ЕУ и Велика Британија предупредуваат: Нема договор без отстапки од Москва
Европската унија одговори со повик Европа и Украина да бидат вклучени во преговорите. „Не сме слушнале за никакви отстапки од руска страна“, изјави Каја Калас, висока претставничка на ЕУ за надворешна политика, според „Фајненшл тајмс“.

Британскиот премиер Кир Стармер додаде дека е фокусиран на „праведен и траен мир“ за Украина. „Тоа се заснова на принципот дека Украина мора да одлучи за иднината на Украина и ние мора да се држиме до тоа“, рече Стармер.

Планот на Трамп пристигнува во време кога Зеленски е политички ослабен поради скандалот
Иницијативата на САД доаѓа откако политичката позиција на Володимир Зеленски е ослабена поради корупциски скандал што доведе до оставка на двајца министри. Претходно вчера, Зеленски се сретна со американска воена делегација предводена од секретарот на армијата Даниел Дрискол, висок функционер на Пентагон и близок сојузник на потпретседателот Џ.Д. Венс.

Today, during a meeting with the U.S. Secretary of the Army, Daniel Driscoll, we discussed options for achieving real peace, the sequencing of our work and formats for dialogue, as well as new impulses for diplomacy. Our teams – of Ukraine and the United States – will work on the… pic.twitter.com/kWXnFh4YNz

— Volodymyr Zelenskyy / Володимир Зеленський (@ZelenskyyUa) November 20, 2025

Подоцна, Зеленски потврди на Икс дека разговарал за мировниот план со Дрискол.

Портпаролот на американската војска, полковник Дејв Батлер, им изјави на новинарите во Киев дека Дрискол и Зеленски „се согласиле за агресивен временски рок за потпишување“ на мировниот план. „За почеток, тоа ќе биде договор меѓу САД и Украинците“, рече Батлер.

Украина губи територија, јавноста и опозицијата отфрлаат отстапки
Зеленски е под зголемен притисок да ја прифати дипломатската иницијатива на администрацијата на Трамп, бидејќи украинските сили се повлекуваат на исток, а руските ракетни напади ја осакатуваат енергетската инфраструктура на земјата.

Украинските власти повеќе пати јасно ставија до знаење дека отстапките како што е предавањето на територијата под украинска контрола се неприфатливи за јавноста. Опозициските групи во Киев бараат смена на моќниот началник на Генералштабот Андриј Јермак и оставка на целата влада.

фото: принтскрин

Поради обилните врнежи од дожд во последното деноноќие на повеќе локации во државата се регистрирани зголемување на водостоите на реките како и одредени излевања, поплавени објекти и одрони, извести Центарот за управување со кризи.

Во битолскиот регион има излевање на реката Шемница кај село Лера со поплавена куќа и штали. Во општина Новаци е прекинат патот кон рудникот Брод–Гнеотино поради надојдена вода од Црна Река.

Во Преспански регион има Излевање на реки во село Царев Двор и Дрмени со поплавени куќи, а постои опасност од излевање на Голема Река.

Регистрирани се одрони на патниот правец Струмица–Валандово.

Во Скопскиот регион зголемено е нивото на речните корита, но засега без излевања на водотеците од нивните корита, информира ЦУК.

Во Велешкиот регион има одрони и паднато дрво на два патни правци. Реката Вардар е на многу висок водостој со можност за излевање кај автобуската станица.

Во Охридски регион, значително покачени се водостоите на реките; излевања на повеќе места и ризик за поплавување на поединечни станбени објекти. Активирани се екипи за интервенција во Косел, Опеница и кај Скребатска Река.

Во Кумановскиот регион нема излевања во Куманово и Липково; се расчистуваат наноси кај село Коинце.

Во Кратовски регион има зголемени водостоји, но без штети. Исчистен е одрон на патниот правец Страцин–Пробиштип.

Во Тетовскиот регион нема пријавени штети; водостоите се зголемени, но без излевања.

Од УХМР информираат дека денес се очекува променливо облачно време со локални обилни врнежи, можни грмежи и силен јужен ветер над 60 km/h. Температури од 13 до 19 °C; во Скопскиот регион до 17 °C.

Најмногу врнежи се измерени во Претор (66 l/m²), Крушево (37), Битола (30) и Прилеп (26).

Забележан е висок водостој на реката Сатеска во Охридскиот регион, со препорака за зголемено внимание.

Сите надлежни институции се навремено известени од страна на Центарот за управување со кризи за сите овие појави и веќе се преземаат соодветни мерки за санација и заштита на населението и инфраструктурата.

„Апелираме до граѓаните да избегнуваат движење во близина на речни корита, мостови и поплавени површини, да ги следат упатствата на надлежните служби, а доколку забележат било каква опасност – веднаш да пријават на бесплатниот број за итни повици 112“, соопштуваат од ЦУК.

Македонија е меѓу државите што издвојуваат значителни средства за правосудниот систем, но граѓаните добиваат најмалку резултати, соопшти ВМРО-ДПМНЕ. Според партијата, секоја година за судството се одвојуваат 0,39% од БДП, што е повеќе од Франција (0,20%), Германија (0,30%), Грција (0,26%), Албанија (0,29%), Молдавија (0,35%) и Грузија (0,23%).

Од ВМРО-ДПМНЕ оценуваат дека, иако државата обезбедува високи примања за судиите и обвинителите, правосудниот систем не испорачува ефикасност и независност. Во соопштението се наведува дека постапките се бавни, предметите нерешени, а одложувањата чести, што, според партијата, создава недоверба кај граѓаните.

Партјата нагласува дека, и покрај тоа што судиите земаат и до три просечни плати, резултатите се минимални, а системот нема ниту квалитет, ниту реформи. ВМРО-ДПМНЕ смета дека наместо да бараат повисоки плати, судиите треба да покажат резултати што ќе ги оправдаат веќе обезбедените средства.

Во соопштението се додава дека правосудството е зрело за реформи и дека тие мора да се случат.