Црна хроника
(Видео) Разбиена криминална група во Скопје, насилно одзеле имот на наводни должници

Одделот за сузбивање организиран и сериозен криминал при МВР постапувајќи во рамки на посебен оперативен план за сузбивање организирана криминална група инволвирана во вршење кривични дела од областа на насилниот криминал, приведе осум лица членови на групата коишто во текот на минатата и оваа година со употреба на закани по животот и имотот на наводни должници на насилен начин прибавувале значителна имотна корист наедно предизвикувајќи и штета по имотот на граѓаните преку опожарување возила и објекти на оштетените, рече директорот на Бирото за јавна безбедност, Лазе Велковски.
„На 05.07. МВР до ОЈО за гонење организиран криминал и корупција достави кривична пријава против лицата: М.Д. (40), и М.Д. (34), двајцата од с. Сарај, Скопско, потоа Н.П. (49), Т.П. (39) и П.Ј. (26) тројцата од Скопје, како и К.Ч. (66),од Струга, Л.М. (49) од Велес и Т.П.(51) од Неготино, а поради постоење основано сомнение дека се сторители на повеќе кривични дела ‘злосторничко здружување’, ‘неовластено производство и пуштање во промет на наркотични дроги, психотропни супстанции и прекурсори’, ‘изнуда’, ‘предизвикување општа опасност’, ‘неовластено изработување, држење, посредување и тргување со оружје или распрскувачки материи’ и ‘спречување на службено лице во вршење на службени дејствија’“ беше кажано на денешната прес-конференција.
Од страна на судија на претходна постапка за двајца од приведениете веќе е одредена мерка притовор во траење од по 30 дена, а на други двајца мерка – претпазливост.
„Криминалната група дејствувала на подрачјето на град Скопје. Првопријавениот М.Д. во период 2016-2018 година, создал злосторничко здружение во кое како активни членови учествувале М.Д. (негов брат), Л.М., Н.П., Т.П., Ј.П., К.Ч., Т.П., кои заради прибавување значителна противправна имотна корист преку употреба на сериозни закани и уцени успевале да извршат наплата на долгови од лихварски услуги или нарушени бизнис-релации. Оваа организирана криминална група имала хиерахиска структура со однапред одредени улоги за секој од членовите“, рече Велковски.
Наводните доверители коишто имале побарувања од трети лица (должници/жртви) по основа на лихварски долгови или нарушени бизнис-релации, заради наплата на своите побарувања ги ангажирале организаторот на групата и неговиот брат за посредување во наплата на побарувањата, кои преку употреба на сериозни закани и уцени и насилство успевале за одреден процент (вообичаено 8 проценти од целосниот долг) да ги наплатат побарувањата. Како инструменти при наплатата на долговите, исто така, се служеле и со нотарски заверени изјави и договори за првземање на побарување, пренос на должнички-доверителски односи, компензациски договори за пренос на сопственост на имот (вообичаено возила) за наводно извршени услуги и слично. Во одредени случаи, преку ваквиот “систем“ на криминално делување побарувањата се пренесувале на членовите на групата, така што должниците односно жртвите станувале должници на организаторот на истата.
„Покрај ова во рамки на оперативните активности за документирање и сузбивање на криминалните активности на групата, детектиран и документиран е и случај на нелегална трговија со хероин во која била инволвирана групата. Имено, на патниот правец Скопје- Велес сопрен е еден од членовите на групата и при преглед кај истиот пронајден е хероин“, соопшти Велковски.
По претходно издадена наредба од страна на судија на претходна постапка завчера беше извршен и претрес на дом и други простории на 10 локации во Скопје, Струга и Неготино, претрес на лица, но и на и возила кои ги користеле членовите на криминалната група. Во претресите пронајдени и одзмени се: четири пиштоли, пет рамки за пиштоли, пушка, ловечки карабин, 102 куршуми различен калибар, 12 куршуми за ловечки карабин, четири возила, парични средства во вкупен износ од 48.000 евра, хероин, две дигитални ваги со траги од хероин, четири пластични мелници со остатоци од хероин.
„Сакам да ве информирам за уште една активност на МВР реализирана во текот на вчерашниот и денешниот ден. Имено, СВР Скопје презеде мерки и активности во расчистување на поголем број кривични дела од областа на имотните деликти- разбојништва и дрски кражби и приведе три лица- извршители на овие дела. По документирање на овие случаи, ќе бидат поднесени соодветни поднесоци до Основното јавно обвинителство во Скопје“, рече Велковски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Возач загина кај гостиварско Чегране

Возач починал на самото место откако излетал со својот фолскваген голф на патот меѓу гостиварско Чегране и Корито, информира Министерството за внатрешни работи. Се работи за 26-годишниот Л.М. од гостиварското село Форино. Смрт констатирал лекар од Итната медицинска помош.
Увидната екипа на ОВР Гостивар извршила детална истрага на местото на несреќата, во присуство на јавен обвинител. Телото на починатиот, по наредба на обвинителот, е дадено на обдукција за утврдување на причините за смртта.
Топ
Во тешка сообраќајка попладнево загина маж, а тешко повредено е 18-годишно момче

Во директен судир на две патнички возила попладнево околу 14 часот на експресниот пат Штип – Велес загинал маж, а 18-годишно момче е тешко повредено. Увид направила екипа на СВР Штип, потврдија од МВР. На местото на настанот била повикана и екипа на Противпожарната единица од Велес.
Како што информираат од Итната помош на ЈЗУ Здравствен дом Велес, тие за несреќата биле повикани во 14.20 часот и за десетина минути стигнале на местото на несреќата – на крстосницата кон село Иванковци кај силосите.
Д-р Елена Најдовска изјави дека констатирале смрт кај повозрасен маж од едното возило, кој починал на самото место на директниот судир. Рече дека веднаш му укажале лекарска помош на 18-годишното момче од Струмица кое било во другото возило. Имал повреди на карлица, на десно колено и на главата, но бил свесен и контактибилен.
По укажаната прва медицинска помош, екипата од Итната помош го пренеле повреденото момче на понатамошно лекување во Ургентниот центар во Општа болница Велес.
Автомотосојузот на Македонија во вонреден извештај попладнево информираше дека сообраќајот на експресниот пат Штип – Велес е во прекин во двата правца.
Црна хроника
Лишени од слобода лихвар и неговата сопруга од Неготино
