Во Солун е потврден првиот случај на човечкиот метапневмовирус (ХМПВ) кај 71-годишен маж, кој е хоспитализиран.

Според грчките медиуми, човекот се заразил од ќерка му, која била во Кина на одмор.

Министерот за здравство Адонис Георгијадис во интервју за грчките медиуми, по објавувањето на првиот случај на метапневмонија во Солун, рече дека повозрасниот маж е хоспитализиран во болница во Солун.

„Се обидуваме да откриеме дали има некаква мутација на вирусот бидејќи има карактеристика лесно да мутира и сакаме да видиме дали има некои поопасни карактеристики“.

„Го чекаме детаљниот преглед, кој го побаравме“, нагласи Адонис Георгијадис.

Тој категорично посочи дека „во овој момент нема особена причина за загриженост за вирусот ниту за Грција ниту за Европа“.

„Метапневмовирусот не е нешто ново, како што беше ковидот во 2019 година кога почна од Кина. Станува збор за познат вирус, кој напаѓа луѓе што со нарушено здравје или мали деца, кои сè уште немаат развиено имунитет“, објасни Георгијадис.

„Веста дека нон грата Артан Груби се соочува со отказ од Универзитетот во Тетово поради неоправдани отсуства е јасен одраз на културата на неодговорност и ароганција која ДУИ ја негува со децении. Како може човек кој не може да ги исполни ниту своите академски обврски, да се обиде да продаде политички морал и да зборува за јавна одговорност?“, прашува ВЛЕН.

„Артан Груби, познат по своето проблематично минато и по обвинувањата за бегството од правдата, не ги исполнува моралните и професионалните критериуми да предава пред студентите. Универзитетот е институција која мора да промовира интегритет, одговорност и почитување на законот. Човек кој избегнал да се соочи со правдата и кој претставува модел спротивен на овие вредности не може да биде позитивен пример за младите, затоа е посоодветна одлуката на Универзитетот да му врачи отказ на нон грата Артан Груби. Коалицијата ВЛЕН претходно и соопшти на пошироката јавност дека просечната оценка на Груби од додипломските студии е 7, што значи дека студент од ваков калибар не може да се појави пред студентите.

Академскиот кредибилитет не се мери само со говори, туку со посветеност на етичките принципи и почитување на општествените норми, кои Груби се чини дека ги поткопувал во текот на неговата кариера.

Оваа состојба е јасен одраз на културата на неодговорност која ДУИ нон грата ја негуваше низ годините. Вклучувањето на луѓе со контроверзно минато на јавни и академски позиции го покажува недостатокот на морален и професионален стандард од оваа партија. Наместо да промовира меритократија и одговорност, ДУИ нон грата им дозволи на личностите вклучени во контроверзи и сомнежи за интегритетот да ги претставуваат политиката и институциите, нарушувајќи ја не само довербата на граѓаните, туку и самите основи на демократското општество“, се наведува во соопштението на ВЛЕН.

Утрово, најстудено било во Берово, каде што се измерени -1 степен, 2 степена било на Попова Шапка, Крива Паланка и Штип, 3 во Струмица, Кавадарци, Велес, Куманово, Лазарополе и Виница, 4 во Скопје-Зајчев Рид, Скопје-Петровец, Тетово, Прилеп и Маврови Анови, 5 во Битола и Крушево, 8 во Гевгелија, Демир Капија и Претор, 9 во Охрид и Дебар.

Висината на снежната покривка утрово во 7 часот била 42 сантиметра на Попова Шапка, 32 см во Маврови Анови и 7 см во Крушево.

Времето во текот на ноќта и изутринава
Променливо облачно, во одделни котлини со појава на магла. Во Тетово хоризонталната видливост е ограничена на 500 м. Дуваше слаб до умерен ветер од претежно од јужен правец.

Времето денеска
Сончево и релативно топло со мала до умерена облачност и со слаб до умерен ветер од јужен правец. Во одделни котлини ќе има појава на магла или ниска облачност. Максималната температура ќе достигне од 6 до 15 степени.

Во Скопје претежно облачно и тивко со појава на магла. Максималната температура ќе достигне до 6 степени.