Албанскиот парламент доцна синоќа го усвои Законот за родова рамноправност, по повеќечасовна и остра дебата. Законот беше изгласан со 77 гласа „за“, 36 „против“ и без воздржани.

Новите измени утврдуваат дека терминот род се однесува на општествено создадени улоги, однесувања и атрибути што се сметаат соодветни за жени и мажи.

Опозициската Демократска партија остро се спротивстави, обвинувајќи дека законот има за цел „уништвање на семејството“. Премиерот Еди Рама го оцени како „благороден и целосно усогласен со принципите на Европската унија за рамноправност и недискриминација“.

Бившиот премиер Сали Бериша побара од амбасадорот на ЕУ во Албанија да објасни која европска директива бара ваков закон.

Властите нагласија дека целта е да се обезбеди еднаков третман и можности за сите граѓани, без оглед на полот, во сите сфери на јавниот и приватниот живот.

Во Тирана беа одржани и протести на граѓански организации кои го нарекоа законот „антинационален и антисемеен“, предупредувајќи дека може да се злоупотреби и дека не е применлив во пракса.

На истата седница, парламентот ја одби иницијативата за формирање комисија за смена на претседателот Бајрам Бегај, поднесена од опозицијата, која го обвинува за сериозни повреди на Уставот.

Републиканците во американскиот Сенат ја блокираа резолуцијата што ќе му забранеше на претседателот Доналд Трамп да ја нападне Венецуела без одобрение од Конгресот. Гласањето заврши со резултат 51 спрема 49, најмногу по партиски линии. Само двајца републиканци се приклучија на демократите во поддршката на мерката.

Иницијативата беше предложена поради стравувања дека Трамп би можел да нареди напад врз Венецуела, откако американските сили во последните два месеца извршиле најмалку 16 напади на бродови во Пацификот и на југот од Карибите, при што биле убиени повеќе од 65 лица.

Главни поддржувачи на резолуцијата беа демократските сенатори Тим Кејн и Адам Шиф, како и републиканецот Ренд Пол. Тие предупредија дека администрацијата не понудила јасна стратегија за Латинска Америка и дека правното оправдување на нападите не спомнува директни операции на територијата на Венецуела.

Трамп претходно изјави дека овластил ЦИА да спроведува тајни операции, но потоа негираше дека планира копнени напади. Сепак, САД ја засилија воената присутност со воени бродови, авиони и илјадници војници во регионот.

Државниот секретар Марко Рубио и министерот за одбрана Пит Хегсет го информирале Конгресот дека администрацијата „во моментов не планира војна со Венецуела“, но не обезбедиле детали за целите, трошоците и правното покритие.

Некои правни експерти предупредуваат дека нападите може да претставуваат кршење на меѓународното право и на американските закони.

Македонија останува посветена на европскиот пат, но без двојни стандарди и политички притисоци, изјави премиерот, Христијан Мицкоски. Тој вели дека Годишниот извештај на Европската комисија за напредокот на земјата во процесот на пристапување во Европската Унија не е оценка за една година или за една влада, туку за континуитетот на реформските процеси, нивото на институционална зрелост и начинот на кој земјата одговара на долгорочните европски приоритети.

„Во извештајот се нотира дека во некои области постои „одреден“ или „ограничен напредок“. Конкретно, нема области со назадување, а во четири поглавја е забележан „добар напредок“. Во едно поглавје, „Слободно движење на капитал“, дури е зголемено нивото на подготовка, благодарение на приклучувањето кон SEPA и спроведувањето на мерките против перење пари и финансирање на тероризам. Комисијата ги поздравува чекорите направени во делот на економијата, со стабилен банкарски сектор, умерен раст на БДП, усвојување на Законот за јавна внатрешна контрола и назначувањето на членовите на Фискалниот совет, мерки кои ја зајакнуваат фискалната дисциплина и транспарентност“, вели Мицкоски.

Премиерот додаде дека позитивни оценки има и за дигитализацијата, модернизацијата на јавната администрација, воспоставувањето на системите за е-набавки и зајакнувањето на сајбер-безбедноста.

Во однос на законодавната рамка, рече Мицкоски, иако се потребни дополнителни усогласувања со европското законодавство, особено со Европскиот акт за медиумска слобода (EMFA), на кои во идниот период ќе работиме, веќе се направени конкретни чекори напред во Законот за медиуми.

„Ова е показател дека како Влада активно работиме на приближување кон европските стандарди и на создавање правна рамка која ја гарантира медиумската слобода и плурализмот. Се разбира, извештајот посочува и на предизвици што државата мора да ги адресира со уште посилна динамика. Предизвици постојат во делот на владеењето на правото, независноста на судството и борбата против корупцијата. Политичката поларизација и недоволната соработка меѓу институциите остануваат пречки што ја забавуваат имплементацијата на реформите. Оваа Влада не само што е свесна за тие предизвици, туку веќе работи на нивното надминување“, рече Мицкоски.

Тој додаде дека се поставени нови приоритети за реформа на судството, за зголемување на одговорноста и за воспоставување на јасни критериуми за оценување на судиите и јавните обвинители.

Во делот на антикорупцијата, додаде Мицкоски, процесот на целосна дигитализација на јавните набавки и на транспарентноста на буџетските расходи ќе продолжи во 2026 година.

Во однос на јавната администрација, според Мицкоски, Владата е решена да го прекине долгогодишниот модел на парт