Црна хроника
Вооружени ограбиле обложувалница, маркет и автомобил

Во три одделни кражби, вооружени и маскирани разбојници украле пари, документи и пиштол.
Во понеделникот, околу 19.19 часот во Скопје на ул.„Тале Христов“ поточно во спортската обложувалница „Спорт Лајф“, две непознати лица маскирани и вооружени со огнено оружје-пиштоли, извршиле разбојништво над еден вработен при што одзеле околу 19.000 денари, а потоа го напуштиле местото на настанот. Се преземаат мерки за пронаоѓање на сторителите и целосно расчистување на случајот.
Истиот ден, во 20.42 часот во Скопје на бул.„Партизански Одреди“, во маркет „Стокомак 21“, непознат сторител вооружен со пиштол и маскиран со плетена црна маска, извршил разбојништво и од вработените одзел околу 27.000 денари, а потоа го напуштил местото на настанот. Се преземаат мерки за пронаоѓање на сторителите и целосно расчистување на случајот.
Кражба била извршена и околу 19,19 часот во Скопје на бул.„Борис Трајковски“ од страна на непознат сторител во автомобил „Ауди“ со скопски регистерски ознаки сопственост на К.С. (24) од село Сопиште-Скопје. Сторителот со употреба на погоден предмет го искршил задното десно стакло од возилото, ја протнал раката и одзел една црна ташничка во која имало документи и еден пиштол „Црвена Застава“ калибар 9мм, со две рамки и 18 куршуми калибар 9мм сопственост на таткото на К.С., кој го поседувал со дозвола. Крадецот избегал стекнувајќи се со противправна имотна корист од околу 30.000 денари.
Се преземаат мерки за пронаоѓање на сторителот и целосно расчистување на случајот./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Топ
(Видео) Пронајдени и санкционирани лицата што дивееја со возило по „Партизанска“

Во врска со објавената снимка на социјалните мрежи на 30.09.2025 година на булеварот „Партизански Одреди“ во Скопје на која гледа како се движи патничко возило „голф“ со скопски регистарски ознаки при што на кровот од возилото се превезува лице кое ја загрозува сопствената безбедност и безбедноста на другите учесници во сообраќајот, од страна на полициски службеници од СВР Скопје пронајдено е возилото, лицето кое го управувало С.Ф. и лицето кое се превезува на кровот од возилото А.И., извести МВР.
За А.И. преземена е мерка по чл.165 став 2 од Законот за безбедност на патиштата.
Од извршената проверка утврдено е дека С.Ф го управувал возилото со измината важност на сообраќајната дозвола и за истото преземена е мерка по чл.26 став 10 од Законот за возила.
Црна хроника
30-дневен притвор за државјанин на Полска, пронајдена е дрога кај него

Вчера во 11:00 часот на улицата „Народен фронт“ во Скопје, полициски службеници од Единицата за интервентна полиција при СВР Скопје го лишија од слобода 36-годишниот П.Т.С. од Полска, затоа што кај него пронајдоа и одзедоа дрога.
Од страна на Единицата за недозволена трговија при СВР Скопје до ОЈО Скопје поднесена е кривична пријава по чл.215 од КЗ, а судија на претходна постапка му одреди мерка притвор во траење од 30 дена.
Црна хроника
Еден скопјанец и двајца Срби уапсени за „даночно затајување“ и „недозволена трговија“

Денеска во 01:00 часот, полициски службеници од Единицата за интервентна полиција при СВР Скопје ги лишија од слобода М.З.(49) од Скопје и М.М.(27) и Д.П.(24), двајцата од Република Србија.
Претходно, на клучка Радишани, полициски службеници ги затекнале лицата како од возило комбе „мерцедес“ со скопски регистарски ознаки во товарно возило „ман“ со приколка со српски национални ознаки префрлаат кутии со цигари.
Возилата и цигарите се одземени, а по насока на јавен обвинител лицата се лишени од слобода и задржани во полициска станица.
По целосно документирање на случајот, против М.З. ќе биде поднесена пријава за „даночно затајување“ по член 279 од Кривичниот законик, додека, против српските државјани ќе биде поднесена пријава за „недозволена трговија“ по член 277 од кривичниот законик.