Црна хроника
Во возила на македонските патишта за еден ден пронајдени 72 мигранти
![](https://makfax.com.mk/wp-content/uploads/2019/05/migranti.jpg)
Во текот на 17 јуни полициски екипи во три возила на македонските патишта пронашле дури 72 мигранти.
Во првиот случај, околу 15 часот, во близина на клучката за археолошкиот локалитет „Стоби“, при преглед на претходно паркиран камион „мерцедес“ полицијата пронашла 31 мигрант, од кои 29 државјани на Пакистан и двајца државјани на Бангладеш.
Околу 17.20 часот на магистралниот пат Радовиш – Штип полициска екипа кај клучката за село Тополница при преглед на претходно паркирано возило „форд транзит“ пронашла 20 мигранти, сите државјани на Бангладеш.
Покрај тоа, при преглед на товарно возило „фолксваген транспортер“ биле пронајдени уште 21 мигрант, од кои 16 државјани на Бангладеш и пет државјани на Пакистан.
Полицијата презема мерки за целосно расчистување на двата случаја.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Црна хроника
Приведени две лица поради 4,5 килограми кокаин
![](https://makfax.com.mk/wp-content/uploads/2022/08/kokaina.png)
Како резултат на материјалните и видео докази, обезбедени при претресите во акцијата што под раководство на јавен обвинител беше спроведена на 18 и 19 јануари годинава, приведени се две лица. Се сомничат за новластено производство и пуштање во промет на психотропни супстанци и прекурсори.
„Имено, од екстрахираните податоци, истражителите од Лабораторијата за дигитална форензика при Истражниот центар на Основното јавно обвинителство за гонење на организиран криминал и корупција, дојдоа до докази дека првоосомничениот кој беше лишен од слобода во Гевгелија, во бункер во ПМВ сокрива поголемо количество на психотропна супстанца. По обезбедена наредба за вештачење на возилото коешто беше одземено, пронајдени се 3,5 кг кокаин“, велат од Обвинителството.
Воедно, како резултат на доказите побарани се и извршени претреси на дом кај приведените лица и притоа е пронајден уште 1 кг кокаин. За двете лица јавниот обвинител донесе Наредба за истрага, а од судијата на претходна постапка при Основниот кривичен суд – Скопје побара притвор и куќен притвор.
Црна хроника
Жена ограбена во автобус на ЈСП
![](https://makfax.com.mk/wp-content/uploads/2019/11/IMG_20180829_103339.jpg)
Вчера во 13:20 часот во Скопје, на подрачјето на Центар, полициски службеници од СВР Скопје го лишиле од слобода А.Б.(51) од Скопје.
Приведен е поради сомнение дека претходно во автобус на ЈСП, од 46-годишна жена од Скопје одзел мобилен телефон.
По целосно документирање на случајот ќе следува соодветен поднесок.
Црна хроника
Маж оштетил надгробни плочи на гробиштата во Ѓорче Петров
![](https://makfax.com.mk/wp-content/uploads/2023/03/policija-3.jpg)
Вчера во 13.45 часот во СВР Скопје, неколку граѓани пријавиле дека на 09.02.2025 околу 16.00 часот на гробишта на подрачјето на Ѓорче Петров забележале едно лице како оштетува повеќе надгробни плочи.
Се преземаат мерки за расчистување на случајот.