Црна хроника
Во комбе со капацитет од 23 места, превозник од Кочани превезувал 21 патник во време на епидемија
Кочанската полиција поднесе кривична пријава против правно лице од Кочани и 45-годишниот кочанчанец К.М. како одговорно лице во фирмата, поради сомнение за сторени две кривични дела непостапување според здравствените прописи за време на епидемија.
Како што информираат од МВР, правното и одговорното лице ги прекршиле прописите јавниот превоз да го вршат со ограничување на бројот на патници на 50% од капацитетот на превозното средство.
Имено, на 19 јули годинава за време на вршење превоз во патниот сообраќај на релација Охрид – Кочани, во патничко моторно возило „мерцедес спринтер“, сопственост на фирмата од Кочани, а со капацитет од 23 места за седење, во истото се превезувале 21 патник.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Бетонски столб падна и усмрти маж од Чаир
Вчера околу 18 часот во СВР Скопје било пријавено дека во дворно место од куќа на подрачјето на Чаир, додека извршувал градежни работи, врз Ј.И.(54) од Скопје паднал бетонски столб. Ј.И. бил пренесен во Поликлиниката Чаир, каде од страна на лекар констатирана била смрт.
Извршен е увид од увидна екипа од СВР Скопје, а по наредба на јавен обвинител, телото на починатиот е дадено на обдукција.
Црна хроника
Починат велешанец пронајден во центарот на Скопје
Велешанец е пронајден починат во центарот на Скопје. Причините за смртта не се познати, а според МВР на телото на почитаниот немало видливи траги на насилство.
– На 28.09.2024 во 16.20 часот во СВР Скопје, било пријавено дека во Скопје, на подрачјето на Центар, на паркинг позади угостителски објект, бил пронајден починат Т.Т.(43) од Велес, информираат од МВР.
Црна хроника
СВР Скопје расчисти кривично дело обид за убиство
Единицата за насилен криминал при СВР Скопје поднесе кривична пријава по брза постапка против Н.С.(27) и М.С. (20) од Скопје поради основи на сомнение за сторено кривично дело обид за убиство по член 123 во врска со член 19 од КЗ.
По добиена пријава на 15.09.2024 дека на територија на општина Аеродром во Скопје од страна на две лица му се нанесени убодни рани на Н.Г. од Скопје, преземени се мерки и активности и утврдено е дека Н.С. и М.С. го сториле кривичното дело, по што во координација со ОЈО Скопје е поднесена кривична пријава.
Од страна на судија на претходна постапка на М.С. му е одредена мерка куќен притвор од 30 дена, а за Н.С. се преземаат мерки за пронаоѓање.