Црна хроника
Во Скопје казнети 136 возачи, 32 за брзо возење

По засилените акциски контроли, вчера, на територијата на град Скопје биле изречени вкупно 136 казни, меѓу кои за возење над дозволената брзина 32 санкции, 12 за возење без возачка дозвола, две за возење под дејство на алкохол.
Изречени биле и 12 мерки за користење мобилен телефон, две за нерегистрирани возила, четири за непрописно престигнување.
Засилените акциски сообраќајни контроли продолжуваат, најавија од полиција, и апелираат до граѓаните да ги почитуваат сообраќајните правила и прописи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Жена од Тетово измамена за 2.000 евра: и кажале дека нејзината ќерка предзвикала сообраќајна несреќа во Скопје со смртни последици

Вчера во 12:40 часот во СВР Тетово, 83-годишна тетовчанка пријавила дека била измамена од едно лице за сума од 2.000 евра.
Според пријавеното лицето и се јавило телефонски и ја известило дека нејзината ќерка предзвикала сообраќајна несреќа во Скопје во која починал малолетник и доколку не сака таа да оди во затвор треба да донесе пари во Скопје.
Како што е пријавено, таа ги однела парите на договореното место, а подоцна откако се слушнала со нејзиниот зет сфатила дека била измамена.
Се преземаат мерки за расчистување на случајот.
Црна хроника
Пожар во куќа во Гази Баба, нема повредени

Вчера во 09:10 часот во СВР Скопје, 75-годишната М.Д. од Скопје пријавила дека на 19.09.2025 околу 21:00 часот настанал пожар во нејзината куќа на подрачјето на Гази Баба.
М.Д. го изгаснала пожарот, а повредени лица нема. Полициски службеници од Полициска станица Гази Баба излегле на местото.
Црна хроника
Изгоре „опел инсигниjа“ во Скопје, од пожарот зафатено уште едно возило

Денеска во 02:42 часот во СВР Скопје било пријавено дека на паркинг пред зграда на булеварот „Кочо Рацин“ во Скопје било опожарено патничко возило „опел инсигниа“ со скопски регистарски ознаки, сопственост на 32-годишниот А.Л. од Скопје.
Од пожарот било зафатено и патничко моторно возило „тојота лендкрузер“ со скопски регистарски ознаки, сопственост на В.А. (68) од Скопје.
Бригадата за противпожарна заштита Скопје го изгаснала пожарот, а повредени лица нема. Увид на местото бил извршен од увидна екипа од СВР Скопје.