Црна хроника
Во Скопје се случиле 18 сообраќајки, 13 полесно повредени

Во текот на вчерашниот ден на подрачјето на Скопје се случиле 18 сообраќајни несреќи. Во десет сообраќајки е констатирана материјална штета, а во осум со полесни телесни повреди се здобиле 13 лица.
Сообраќајната полиција во текот на изминатиот ден санкционирала 18 возачи кои не го почитувале ограничувањето на брзината на движење. Двајца возачи се исклучени од сообраќај поради тоа што ги управувале своите возила под дејство на алкохол, а шест возачи поминале на црвено светло на семафорите.
Санкционирани се осум возачи кои ги управувале своите возила по истекот на важноста на сообраќајната дозвола или без возачка дозвола, а пет пешаци поминале вон обележан пешачки премин, односно поминале на црвено светло на семафорот за пешаци.
Со помош на специјалното возило „пајак“ отстранети се 39 возила, а 42 возила биле непрописно паркирани.
Сообраќајната полиција информира дека еврокомесарот за преговори за проширување Јоханес Хан, кој е во посета на Македонија, ќе пристигне на аеродромот „Александар Велики“ во Скопје.
За време на движењето на колоната возила под придружба кон Град Скопје, како и по сообраќајниците низ градот, ќе биде воспоставен посебен режим на сообраќај, што подразбира апсолутен приоритет на минување низ сите сообраќајници.
Се апелира сите граѓани да ги почитуваат наредбите што ќе бидат давани од полициските службеници, односно да бидат внимателни и трпеливи, бидејќи веднаш по поминување на колоната под придружба ќе бидат преземени мерки за целосно нормализирање на сообраќајот. крај/мф/кс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Уапсени три лица од Кочани на наплатната рампа Миладиновци: пронајдена дрога во возилото

Денеска(23.09.2025) околу 15.40 часот на наплатна рампа Миладиновци полициски службеници од Единицата за недозволена трговија при СВР Скопје ги лишиле од слобода А.С., Н.З. и М.А. сите од Кочани кои биле во патничко возило “поло” со кочански регистарски ознаки.
Кај нив била пронајдена и одземена кафена прашката материја.
Полицијата соопшти дека по целосно документирање на случајот ќе следи соодветен поднесок.
Црна хроника
Малолетник нападнат во двор на средно училиште во Карпош

МВР информира дека вчера бил пријавен напад врз малолетник во двор на средно училиште на подрачјето на Карпош, Скопје.
Според пријавата, околу 13:15 часот неколку малолетници физички го нападнале ученикот, при што бил употребен и тврд предмет. Настанот го пријавил таткото на нападнатиот, К.Р. (40) од Скопје.
Од МВР додаваат дека се преземаат мерки за целосно расчистување на случајот.
Црна хроника
Тепачка на паркинг кај „Мајка Тереза“ по сообраќајна несреќа

Вчера и околу 09:00 часот на паркинг простор во Комплексот клиники „Мајка Тереза“ во Скопје, по претходно случена сообраќајна незгода, едно лице физички нападнало 39-годишен маж од с. Џепчиште, тетовско, информира МВР.
Настанот бил пријавен во 11:50 часот во СВР Скопје. Се преземаат мерки за целосно расчистување на случајот.