Црна хроника
Во Скопје се случија 13 сообраќајки, во кои се повредени четири лица

Во изминатите 24 часа на територијата на градот Скопје се случија 13 сообраќајни несреќи.
Од нив во десет има констатирано материјална штета, а додека во три сообраќајки 4 лица се полесно повредени.
Во истиот временски период полицијата откри и санкционира тринаесет кои се движеле со брзина поголема од дозволената, а двајца возачи ги управувале своите возила под дејство на алкохол, по што се исклучени од сообраќајот.
Во зона на крстосница, други двајца возачи не дале право на првенство на минување на возила, по што сообраќајната полиција ги санкционирала.
Петмина возачи поминале на црвено светло на семафор, а десет возачи ги управувале своите возила без возачка дозвола или нерегистрирани возила.
Санкционирани се и пет пешаци, кои поминале вон обележан пешачки премин односно поминале на црвено светло на семафорот за пешаци.
Во текот на изминатиот ден отстранети се 40 возила кои биле непрописно паркирани. Истите во поголема мера го попречувале нормалното одвивање на моторниот сообраќај.
Во рамките на сообраќајно воспитната акција „Да ги заштитиме децата во сообраќајот”, Одделението за превенција денеска ќе реализира едукативни работилници во Приватно Основно Училиште „Јахија Кемал“ кое се наоѓаат на подрачјето на општина Карпош притоа ќе бидат реализирани едукативни работилници со учениците од II и IV одделение.крај/мф/кс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Приведен возач кој удри велосипедист во Скопје

Полицијата го приведе Б.Џ. (51) од Скопје кој денес околу 11.40 часот на улицата Лазар Личеновски во Скопје со патничко возило „тојота“ со бугарски национални ознаки удрил во модифициран велосипед со три тркала управуван од Р.У. (37) од Скопје.
Р.У. е пренесен за укажување на лекарска помош во ГОБ „8 Септември“, а Б.Џ. е лишен од слобода, привремено му е одземено и возилото а против него, по документирање на случајот, ќе биде поднесена соодветна пријава.
Црна хроника
Земале пари за патни трошоци а не патувале: кривична против десет полициски службеници од ЕБР

Одделот за внатрешна контрола, криминалистички истраги и професионални стандарди при Министерството за внатрешни работи, до Основното јавно обвинителство за гонење на организиран криминал и корупција – Специјализирано оддделение за гонење на кривични дела сторени од лица со полициски овластувања и припадници на затворската полиција, поднесе кривична пријава против полициските службеници К.Ѓ., Г.Д., Н.С., И.Г., Д.Д., Д.Д., Н.М., С.С., З.Т. и Д.Т., сите вработени во Единицата за брзо распоредување, поради постоење основи на сомнение дека извршиле кривично дело „злоупотреба на службената положба и овластување’’ казниво по член 353 од Кривичниот законик.
Пријавените, со намера за себе да прибават противправна имотна корист, искористувајќи го стекнатото право за надомест на патни трошоци, поради тоа што по лична карта се воделе со место на живеење надвор од Скопје, ја злоупотребиле службената положба на начин што примале парични средства од Министерството за внатрешни работи за денови во кои не патувале од своето место на живеење до работното место во Скопје и обратно, со што во периодот 01.12.2023 до 17.09.2024 го оштетиле буџетот на Министерството за внатрешни работи во вкупен износ од 1.098.120 денари.
Одделот за внатрешна контрола, криминалистички истраги и професионални стандарди за пријавените полициски службеници ќе поднесе и предлог за поведување на постапка за утврдување на дисциплинска одговорност, соопшти полицијата.
Црна хроника
Ја демнел поранешната партнерка и упатувал закани кон неа и нејзиното дете

СВР Штип поднесе кривична пријава против В.М.(38) од Кочани.
Тој се сомничи за сторено кривично дело „демнење“.
После прекинувањето на врската, пријавениот продолжил телефонски да ја вознемирува неговата поранешна партнерка и да и испраќа пораки на неа и на нејзиното дете.