Црна хроника
Гостиварец на телефон повикал познајник на игралиште и го претепал

Гостиварското Основно јавно обвинителство поднесе обвинение против 25-годишен гостиварец за сторено кривично дело насилство.
Како што информираат од Обвинителството, 25-годишникот, на 31 јануари годинава, околу 16.30 часот во Гостивар, му ја загрозил сигурноста на едно лице вршејќи грубо насилство предизвикувајќи во јавноста чувство на несигурност, загрозување и страв.
Имено, гостиварецот му се јавил на оштетениот и го повикал да се сретнат на игралиштето во населбата Малеарди. Кога оштетениот пристигнал, обвинетиот го нападнал со тупаници и клоци по главата и телото.
Потоа обвинетиот насилно го внел човекот во своето возило и почнал да се движи по патот постојано удирајќи го оштетениот со тупаници и заканувајќи му се дека ќе го однесе во блиската шума, каде што ќе го тепа со дрво и шипка.
Движејќи се со возилото, по пат ги пресретнал таткото на обвинетиот. Но, и покрај тоа што таткото на 25-годишникот се спротивставил на насилството, обвинетиот продолжил да го удира човекот.
Во тој момент оштетениот, кој од ударите добил повреди, успеал да избега од самото место.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Беровец од погребално претпријатие пријавен дека во депонија фрла и закопува остатоци од починати лица, МВР го расчистува случајот

Пред два дена во полицијата во Берово било пријавено дека на место викано „Црвени брегови“, атар на Берово, бил забележан лиценциран извршител за погребални услуги во општината како на градежна депонија фрла и закопува остатоци од починати лица, извадени од градските гробишта во Берово.
„Веднаш по добиената пријава, во консултација со јавен обвинител и во содејство со ракувач со работна машина багер од јавното претпријатие за комунални работи во Берово, било извршено пребарување на посоченото место и на пошироката околина, но не биле пронајдени предмети кои потекнуваат од кривично дело, туку биле пронајдени само остатоци од градежен шут и остатоци од отпад.
По дополнително преземени мерки и по извршени разговори во ОВР Берово било дојдено до сознание дека лиценцираниот извршител на погребални услуги во повеќе наврати вршел ископување на стари гробови и ги фрлал остатоците од починатите лица на друга локација. Додека, подоцна, по овластување на јавен обвинител, бил извршен увид на гробиштата во селото Смојмирово и на удолницата на јужната страна биле пронајдени пет коски кои наликуваат на коски од човек“, велат од МВР.
По целосно расчистување и документирање на случајот, ќе биде поднесена соодветна пријава.
Топ
Работниците копале дупка за шахта и нашле коски во дворот на амбулантата во Илинден

Коски биле најдени за време на ископ на дупка за шахта, во дворот од амбулантата во населбата Илинден.
„Амбулантата во моментов се реновираа, а при ископот најдени се коски, слични на човечки“, информираа од МВР.
Коските биле дадени во Институтот за судска медицина за обдукција.
Се преземаат мерки за расчистување на настанот.
Црна хроника
(Видео) Кавадарчанец со „бмв“ дрифтал на улиците, МВР му го одзеде возилото поради создавање бучава

Полицијата запре „бмв“ управувано од Р.С. од Кавадарци и привремено го одзеде поради создавање на бучава.
Според информацијата на полицијата, возачот бил сопрен поради претходна објава на социјалната мрежа Инстаграм, на која се гледа дека го управува возилото со нагло зголемување на брзина, со што предизвикува пролизгување на погонските тркала и создавање бучава.
Во станица за технички преглед било извршено мерење на бучава и утврдено дека е над дозволената, велат од МВР.
Возилото е привремено одземено на период од 90 дена.