Црна хроника
Двајца кочанчани приведени при набавка на дрога во Велес
Полициски службеници од Одделението за недозволена трговија при СВР Велес денеска лишиле од слобода три лица, од кои две од Кочани и едно од Велес, поради сомнение дека се сторители на кривично дело неовластено производство и пуштање во промет на наркотички дроги.
Како што информираат од МВР, по преземени мерки и активности во близина на расадник во Велес, околу 06.30 часот полициски службеници ги затекнале Е.М.(35) и С.В.(39) од Кочани, кои биле паркирани со aвтомобил „мерцедес“, со кочански регистарски ознаки, како купуваат дрога од Д.В. од Велес.
Откако ја забележале полицијата, Е.М. од прозорецот на возилото исфрлил поголемо пакување со марихуана, кое било пронајдено и одземено, а двете лица биле веднаш приведени во полициска станица.
Малку подоцна е приведен и Д.В., во чиј дом и помошни простории бил извршен претрес со судска наредба, при што биле пронајдени три пакувања со марихуана и една вага, а по целосно документирање на случајот против лицата ќе бидат поднесени кривични пријави.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Во делчевско Вирче најдена граната
Во делчевското село Вирче пронајдена е стара неексплодирана граната. Случајот е пријавен од жител на селото кој експлозивната направа ја пронашол во својот двор.
Во пoлициската станица Делчево, А.М.(60) од с.Вирче, делчевско, на 17.05.2024 во 19.50 часот пријавил дека при извршување градежни работи во неговиот двор пронашол една стара неексплодирана граната, информираат од полиција.
Гранатата по извршениот увид била подигната од пиротехничар од Дирекцијата за заштита и спасување.
Црна хроника
Во куќа на струмичанец најдена дрога
Струмичката полиција вчера околу пладне во Струмица го лишила од слобода Љ.Ѓ.(46) од овој град. При претрес во неговиот дом, извршен со судска наредба, биле пронајдени и одземени кафеава прашкаста материја, црна прашкаста материја, марихуана, бела прашкаста материја, бела грутчеста материја и други предмети за кои постои сомнение дека потекнуваат од кривично дело..
Како што информираат денеска од МВР, лицето било задржано во полициска станица и по целосно документирање на случајот против него ќе биде поднесена соодветна пријава.
Топ
Еден починат и еден тешко повреден во несреќа во лифт во Штип
Едно лице почина, а друго се бори за живот во Клиничката болница- Штип од повреди добиени во несреќа, што според првичните информации се случила во лифт во угостителски објект во Штип.
Повеќе детали околу несреќата засега нема, но од СВР Штип велат дека во тек е увид од страна на полицијата, јавен обвинител од ОЈО Штип, а на терен се и државни инспектори.
Според првичните информации починатото лице и неговиот колега извршувале работна задача во моментот на несреќата.