Денеска во 10.05 часот на територија на општина Шуто Оризари во Скопје полициски службеници од Оперативен тим потраги при СВР Скопје го лишија од слобода Е.К. (23) од Скопје.

Тој бил баран со централна потерница по наредба од Основен кривичен суд Скопје, за издржување затворска казна од две години, а во врска со чл.236 ст.1 од КЗ.

Лицето ќе биде предадено на надлежната казнено поправна установа, соопшти полицијата.

Одделот за внатрешна контрола, криминалистички истраги и професионални стандарди при Министерството за внатрешни работи, до Основно јавно обвинителство Скопје поднесе кривична пријава против М.М. – полициски службеник, поради постоење основи на сомнение за сторени кривични дела „неовластено изработување, држење, посредување и тргување со оружје или распрскувачки материи“ по член 396 и „послужување во службата“ по член 356 од Кривичниот законик, против И.М. поради постоење основи на сомнение за сторено кривично дело „неовластено изработување, држење, посредување и тргување со оружје или распрскувачки материи“ по член 396 од Кривичниот законик и против Р.М., поради постоење основи на сомнение дека сторила кривично дело “прикривање“ по член 261, во врска со член 396 од Кривичниот законик. Првопријавениот М.М. и второпријавениот граѓанин И.М., набавиле и чувале во домот, каде живеат во заедница, една автоматска пушка и четири рамки муниција за автоматска пушка со вкупно 125 куршуми.

М.М. неовластено се послужил со муницијата и неовластено ја дал на друго место да се послужи второпријавениот и да ја користи како муниција за нелегалната автоматска пушка која ја држеле во домот. Третопријавената Р.М., при претрес во нивниот дом, оружјето и муницијата ги завиткала во ќебе и се обидела да ги качи на друг кат во куќата, но била затекната и спречена од полициските службеници. На тој начин, таа свесно автоматската пушка и муницијата, како предмети од кривично дело, пробала да ги прикрие или протури со цел да ги сокрие од полициските службеници кои го вршеле претресот. Одделот за внатрешна контрола, криминалистички истраги и професионални стандарди ќе поднесе Предлог за поведување на постапка за утврдување на дисциплинска одговорност против полицискиот службеник М.М. и ќе изрече задолжителна мерка за отстранување од работното место до завршување на дисциплинската постапка.

Утрово во 07.08 часот во ОВР Кичево, С.М.(44) од Кичево пријавил дека, откако го стартувал возилото комбео „ивеко“ со кичевски регистарски ознаки, сопственост на локалната самоуправа од Кичево, настанал пожар.

Повредени лица нема, интервенирала Територијалната противпожарна единица од Кичево, а увид на местото извршија полициски екипи, соопштија надлежните.