Црна хроника
Деветмина приведени со марихуана во Скопје и во Тетово

Деветмина се приведени во текот на вчерашниот ден во полициски акции во Скопје и во Тетово, откако при претрес кај нив била пронајдена марихуана.
На полноќ полициски службеници од СВР Скопје на ул. Натанаил Кучевишки го лишиле од слобода С.И.(30) од Скопје, затоа што при извршен преглед кај него била пронајдена марихуана.
Вчера во 19:40 часот полициски службеници од СВР Скопје го лишиле од слобода Г.Б.(24) од Скопје, затоа што при претрес во неговиот дом, извршен со судска наредба, биле пронајдени и одземени марихуана и прашеста материја. Полицијата претходно во 15:35 часот на улицата Полог го привела Ж.Ј.(20) од Скопје, затоа што при извршен преглед кај него била пронајдена марихуана.
На подрачјето на Бит-пазар бил приведен и А.М.(34) од Скопје, кој кого е пронајдена марихуана. На подрачјето на Ѓорче Петров, пак, приведен бил А.К.(26) од Скопје, затоа што при извршен преглед кај него била пронајдена марихуана.
На ул. Тодор Александров полицијата го лишила од слобода З.Н.(31) од Скопје, додека во селото Ново Село е приведен Н.Т.(26) од Скопје. И кај двајцата е пронајдена марихуана.
Вчера околу 20:20 часот на ул. Илинденска во Тетово, полициски службеници на СВР Тетово ги лишиле од слобода М.З.(46) од тетовска Мала Речица и Р.З.(40) од струшко Ладориште, затоа што при преглед кај нив била пронајдена марихуана. Двајцата биле задржани во полициска станица и по целосно документирање на случајот, против нив ќе биде поднесен соодветен поднесок.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Четири лица пријавени за несовесно работење во службата: МВР со детали

Одделот за внатрешна контрола, криминалистички истраги и професионални стандарди при Министерството за внатрешни работи до Основното јавно обвинителство за гонење на организиран криминал и корупција, Специјализирано одделение за гонење на кривични дела сторени од лица со полициски овластувања и припадници на затворската полиција, поднесе кривична пријава против Ф.Х.- началник на Регионалниот центар за гранични работи Запад, Н.С.- началник на Одделението за заеднички работи при Регионалниот центар за гранични работи Запад, Ц.Ј. – самостоен советник за финансиски работи во Одделението за заеднички работи при Регионалниот центар за гранични работи Запад и Б.Ј. – началник на СВР Битола за време на извршување на делото, поради постоење основи на сомнение за сторено кривично дело „несовесно работење во службата“ по член 353-в од Кривичниот законик.
Во текот на 2021 година, МВР распиша оглас за јавна набавка на услуги за одржување на хигиена во работни и други простории на МВР и АНБ за период од две години, при што е избрана фирма од Скопје.
Првопријавениот Ф.Х. и второпријавениот Н.С., испуштајќи ја својата надзорна контролна функција како раководители на организациската единица, не извршиле навремено следење на склучените договори со фирмата, со што првопријавениот потпишал договор за нарачки со кој ја надминал вредноста од рамковната спогодба и на тој начин направил финансиски импликации кон МВР, односно неможност навремено да се исплатат доспеаните фактури кон фирмата.
Третопријавената, надлежна за следење на Рамковната спогодба, следење и плаќање на склучените договори, не извршила проверки во книговодствената документација на Регионалниот центар за гранични работи Запад за да утврди дали по склучената Рамковна спогодба за набавка на услуги за одржување на хигиена се исцрпени сите парични средства.
Четвртопријавениот ја повлекол фактурата за исплата, иако услугите биле навремено извршени, со што направил финансиски импликации спрема МВР.
По заведен судски спор, од страна на фирмата, заради неисплатен долг по фактури кои биле стасани за плаќање, Министерството за внатрешни работи е задолжено да исплати дополнителни трошоци на име камата за задоцнето плаќање и судски трошоци во износ од 215.079 денари, за кој износ е оштетен буџетот на МВР.
Црна хроника
Приведен скопјанец, ги нападнал сопругата и ќерката, а оштетил и дел од мебелот

Полицијата во Центар вчера го приведе М.Ј.(59) од Скопје, постапувајќи по претходна пријава дека во семејниот дом физички ги нападнал својата 51-годишна сопруга и нивната 22-годишна ќерка и оштетил дел од покуќнината.
По целосно документирање на случајот ќе следува соодветна пријава, соопшти МВР во дневниот полициски билтен.
Црна хроника
„Мерцедес“ со германска регистрација се запали кај плоштадот во Свети Николе

Автомобил „мерцедес“ се запали синоќа на паркинг во близина на градскиот плоштад во Свети Николе.
Возилото, со германски регистерски ознаки, било сопственост на Т.Ш.(53) од овој град.
Од екипа на Територијалната противпожарна единица Свети Николе, пожарот бил изгаснат, а повредени лица нема, соопшти МВР.