Црна хроника
„ЕВН Македонија“ демантира дека нејзини работници биле повредени при работа на објект

Од компанијата „ЕВН Македонија“ денеска преку соопштение ги демантираа информациите дека нивни вработени се здобиле со повреди при работа на објект.
Како што претходно беше соопштено, тројца работници се повредиле додека работеле на покрив од објект во изградба на инвеститор од Демир Хисар, при допир на табла од пластифициран лим со 10-киловолтен воздушен далновод.
„По денешните објави кои предизвикаа конфузии во јавноста поради нецелосни информации за повредените и од која фирма се истите, за целосно разјаснување на случајот ве информираме дека повредените работници не се вработени на ‘ЕВН Македонија’ или, пак, вработени во фирма подизведувач ангажирана од ЕВН. Несреќата која се случила на улица 8 Септември по службена должност билa пријавена од страна на вработен во ЕВН“, стои во соопштението на компанијата.
Инаку, двајца од повредените работници во овој инцидент, по укажаната помош биле задржани на понатамошно лекување во Клиничката болница Битола, а третиот бил пуштен на домашно лекување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Маж од Кумановско загина во сообраќајка меѓу товарно и патничко возило

Вчера околу 12.20 часот во СВР Куманово било пријавено дека на магистралниот пат Куманово- Крива Паланка, кај место викано ,,Ливади“, се случила сообраќајна несреќа помеѓу товарно возило „ман“ со кривопаланечки регистарски ознаки, управувано од О.П.(48) од Крива Паланка и патничко возило „пежо“ со кумановски регистарски ознаки, управувано од Б.С.(70) од с.Руѓинце, општина Старо Нагоричане.
Од здобиените повреди на местото починал возачот Б.С., а лекар од Итна медицинска помош констатирал смрт.
Извршен е увид од јавен обвинител и увидна екипа на СВР Куманово, соопшти полицијата.
Црна хроника
Возач во Гостивар усмрти 18-годишен мотоциклист

Полицијата уапси гостиварец кој со автомобил предизвика несреќа и усмрти млад мотоциклист.
Според информациите од МВР, ноќеска во 01.40 часот било пријавено дека се случила сообраќајна несреќа на ул.„Илинденска“ во Гостивар, помеѓу патничко возило „бе-ем-ве“ со швајцарски национални ознаки, управувано од И.М.(38) од с.Балиндол, гостиварско и мотоцикл со гостиварски регистарски ознаки, управуван од А.Б.(18) од Гостивар.
Од здобиените повреди на местото на несреќата починал мотоциклистот, а лекар од Итна медицинска помош констатирал смрт.
Возачот И.М. бил лишен од слобода, а по наредба на јавен обвинител, увид извршила увидна екипа на ОВР Гостивар и по целосно документирање на случајот, против него ќе биде поднесена соодветна пријава.
Црна хроника
Претрес во Кочани, пронајдени пиштол и марихуана, приведено едно лице

Полицијата во Кочани го приведе 36-годишниот К.И.. При претрес во неговиот дом, извршен со судска наредба, биле пронајдени и одземени пиштол „црвена Застава“ калибар 7,65 мм, марихуана и дробилка со остатоци од марихуана.
Лицето било задржано во полициска станица и по целосно расчистување и документирање на случајот, против него ќе биде поднесена соодветна пријава, информираше МВР.