Во три одделни случаи пронајдени се тројца мртви во Скопје, Гостивар и во трубарево, а едниот случај полицијата дополнително го истражува затоа што смртта настапила по удар со тап предмет по главата.

Имено, во саботата околу 14.25 часот од итната медицинска помош во полицијата во Скопје, пријавено било дека при нивна интервенција на ул.„Призренска“ кај домот за стари лица имало паднато лице. Се работи за лицето Д.И. (50), вработен во фирма лоцирана на ул.„Призренска“, каде е и пронајден мртов. По кажување на доктор од брзата помош смртта настапила како последица од удар со тврд предмет во пределот на главата. По наредба на Јавен обвинител телото е предадено за обдукција. Се преземаат мерки за целосно расчистување на настанот.

Истиот ден, околу 16.25 часот во Гостивар на ул.„Беличица“ во импровизирана шупа во ТЦ-Јавор, пронајден е починат Б.Ж.(59) од Гостивар. Смртта е констатирана од страна на екипа од Брза помош без видливи траги на насилство. Увид на лице место извршиле Јавен обвинител и увидна екипа од полициската станица-Гостивар, а по наредба на обвинителот, телото на починатиот е предадено за обдукција.

Половина час по полноќ пак,  било пријавено дека на м.в. „Пуста кула“ покрај железничката пруга, пронајдено е починато лицето Е.Д. (70) од село Трубарево. Увид на лице место извршила екипа од СВР-Скопје, а по наредба на ЈО, телото на починатата е предадено за обдукција./крај/со/бб