Црна хроника
Жена го убила сопругот, го распарчила телото па со ќерката го фрлиле во шума подалеку од местото на живеење во Србија

Полицијата во Србија уапсила 56-годишна мајка и нејзината 31-годишна ќерка под сомнение дека извршиле тешко убиство. Истражителите веруваат дека 56-годишната жена го убила поранешниот сопруг додека тој спиел, дознава Нова.рс.
56-годишната жена потоа го пренела телото заедно со ќерката и го оставила во шумата во Кучево, каде што полицијата вчера го пронашла. Осомничените се приведени, а истрагата е во тек. Мајката, наводно, ја признала вината пред Вишото јавно обвинителство, додека ќерката се бранела со молчење.
Телеграф од жителите на Влашки Дол, каде што живееле и сторителите на делото и жртвата дознава дека 56-годишна жена го убила 50-годишниот маж, му го распарчила телото и со помош на нејзината 31-годишна ќерка, го фрлила во шума на 60 километри од селото каде што живееле.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Претрес во Кисела Вода, пронајдена дрога, уапсен скопјанец

Денеска во 06:40 часот полициски службеници од СВР Скопје го лишиле од слобода 34-годишниот Г.А. од Скопје.
При извршен претрес во неговиот дом на подрачјето на Кисела Вода, по претходно добиена судска наредба, биле пронајдени и одземени прашкаста материја и дигитална вага.
По целосно документирање на случајот ќе следува соодветен поднесок.
Топ
Планинари од Белгија спасени од полициски тим: биле нападнати од овчарски кучиња, па бегајќи од нив, се качиле на столб за мобилна телефонија

Вчера во 19:13 часот во ОВР Дебар е примен повик за помош од страна на белгиски државјани кои планинареле во планинскиот појас над Дебар, но биле нападнати од кучиња.
Констатирано е дека тие се наоѓаат во близина на селото Новак, општина Центар Жупа, по што полициски тим со теренско возило веднаш се упатил кон селото, каде заедно со ловочуварот од селото Новак ги пронашле тројцата планинари, белгиските државјани Л.М.(42), М.Л.К.(62) и Ј.Ј.(41), кои бие безбедно пренесени до нивното моторно возило.
Тие појасниле дека откако поставиле камп шатор, биле нападнати од овчарски кучиња, а бегајќи се качиле на столб за мобилна телефонија. Лицата биле во добра здравствена состојба, без повреди.
фото: принтскрин
Топ
Скопјанец ја турнал мајка си, ја давел, па кршел саксии по дворот, Обвинителството бара притвор

Скопското Обвинителство поведе постапка против 40-годишен маж од Скопје, осомничен дека извршил телесна повреда врз својата мајка, во инцидент што се случил на 21 септември во семејниот двор на улицата „Славејко Арсов“.
Според истрагата, осомничениот на висок тон барал пари од своите родители. Неговиот татко, вознемирен, го напуштил дворот, но синот продолжил да ѝ се обраќа на мајка си со навреди и грубости, по што и физички ја нападнал – се обидел да ѝ го земе телефонот, ја турнал на земја и почнал да ја дави за вратот.
Исплашена за својот живот, жената успеала да се тргне на страна, додека синот продолжил да уништува предмети и саксии низ дворот. Таа задобила телесни повреди, а Обвинителството побара притвор, поради ризик од бегство и загрозување на жртвата, со која и понатаму живее во иста заедница.