Црна хроника
Жители на Велес и Скопје искасани од кучиња скитници

Вчера во 15.15 часот во Полициската станица Велес, С.И.(42) од Велес пријавила дека на улица „Лазо Осмаков“ во Велес, нејзиниот малолетен син бил каснат од куче скитник.
Во Полициската станица Аеродром вчера во 19.30 часот, Т.А.(55) од Скопје пријавила дека на бул.„АСНОМ“ во Скопје била касната од куче скитник.
Истиот ден во 17.00 часот во Полициската станица Ѓорче Петров, Љ.С.(57) од Скопје пријавил дека кај Железничка станица Ѓорче Петров во Скопје бил каснат од куче скитник.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Се запали куќа во Стајковци, домаќинот се повредил гасејќи го пожарот

Вчера избил пожар во куќа во скопското село Стајковци, а при гасењето на огнот, се повредил 44-годишен жител на Скопје кој престојувал во куќата, соопшти МВР.
„На 19.02.2025 во СВР Скопје било пријавено дека околу 06:30 часот во с.Стајковци, скопско, настанал пожар во куќа во која престојувал Д.М.(44) од Скопје. При гаснење на пожарот, тој се здобил со повреди и бил пренесен во Градската општа болница „Св.Наум Охридски“. Од Бригадата за противпожарна заштита Скопје пожарот бил изгаснат, а увид извршила екипа од СВР Скопје“, пишува во полицискиот билтен.
Црна хроника
Кривична против 60-годишен вработен во Министерството за финансии

ОВР Струга поднесе кривична пријава против А.М.(60) од Струга поради постоење основи на сомнение за сторени кривични дела „злоупотреба на службена положба и овластување“ и „несовесно работење во службата“.
Тој, во својство на советник и овластен потписник на акти, вработен во Министерство за финансии – Управа за имотно – правни работи, искористувајќи постоечки уписни броеви од други баратели за приватизација на земјиште, свесно изработувал лажни исправи и решенија за приватизација на земјиште на други лица.
Со лажно изготвените решенија за приватизација на земјиште, пријавениот ја избегнувал законската процедура и не ги испраќал до Државното правобранителство, чекал 15 дена и по истекот на рокот од донесување на решенијата, истиот самоволно им втиснувал службен печат за правосилност и ги испраќал до Одделението за катастар на недвижности Струга.
Црна хроника
По сообраќајните контроли, издадени 949 платни налози

Според досегашните статистичко-компаративни анализи од континуираните и засилени сообраќајни контроли што се превземаат секојдневно на патиштата низ земјава, и натаму останува заклучокот дека непочитувањето на прописите по однос на паркирањето, потоа пречекорувањето на брзината на движење и секако – возењето без возачка дозвола се прекршоци што најчесто ги прават учесниците во сообраќајот во државава, информираат од МВР.
Во тој поглед анализата на вчера превземените сообраќајни контроли само го потврдува таквиот заклучок, појаснуваат од таму. Така, вчера, од 949 издадени платни налози од страна на полициските службеници на целата територија на земјата, 313 прекршоци се однесуваат на неправилно паркирање, 154 – на пречекорување на брзината на движење, а 96 – на управување без возачка дозвола.
Исто така, забележително е дека зад оваа група на прекршоци и натаму следат по бројност прекршоците што се однесуваат на некористењето на сигурносен појас – 59, како и прекршоците заради говорење на мобилен телефон при возење – 32. Во рамки на вчерашните контроли прекршочно се санкционирани и 17 пешаци, шестмина возачи минале на црвено светло, а осумина возеле под дејство на алкохол, се истакнува во соопштението.
Инаку, согласно одредбите на Законот за возила, вчера биле евидентирани и 27 случаи на нерегистрирани возила што учествувале во сообраќајот, додека пак кај 34 возила била констатирана техничка неисправност.