На 30 октомври 2025 година, во 07:15 часот, во ОВР Кичево било пријавено дека на магистралниот пат Охрид–Кичево, автомобил „опел астра“ со кичевски регистарски ознаки, управувано од И.С. (60) од селото Другово, удрило во 10-годишна малолетничка од Кичево.

Во несреќата девојчето се здобило со тешки телесни повреди, кои биле констатирани во Медицинскиот центар во Кичево.

На местото на настанот извршен бил увид од екипа на ОВР Кичево.

Во Струга било пријавено нарушување на јавниот ред и мир во едно основно училиште во градот, при што двајца ученици физички нападнале свој соученик.

Полициски службеници веднаш излегле на местото на настанот и, во соработка со претставници од училиштето и од Центарот за социјални работи – Струга, презеле мерки за негово расчистување.

По целосно документирање на настанот, ќе следува соодветен поднесок.

Вчера на локалниот пат во селото Требеништа, општина Дебрца, се случила сообраќајна несреќа меѓу трактор „ИМТ 539“ без регистарски таблици, управуван од М.Б. (58), и патничко возило „Фолксваген Шаран“ со охридски регистарски ознаки, управувано од Н.Д. (72), двајцата од истото село.

Во несреќата тешко е повредена 86-годишната Х.Ч., која се превезувала на тракторот, а полесни повреди добила 62-годишната Д.Д., сопатничка во автомобилот. Двете повредени биле пренесени во Специјалната болница „Св. Еразмо“ во Охрид, каде им биле констатирани повредите.

При увидот, полициската екипа од СВР Охрид утврдила дека возачот на тракторот М.Б. управувал под дејство на алкохол, со 1,16 промили алкохол во крвта. По целосно документирање на случајот, против него ќе биде поднесена соодветна пријава.