Топ
Затвореник на отсуство фатен дома со големо количество дрога

Затвореник од КПУ „Идризово“, кој бил пуштен на отсуство, бил фатен во неговиот дом со голема количина дрога.
По судска наредба од Кривичен суд Скопје, полициски службеници од Одделот за криминалистичка полиција – Сектор за недозволена трговија со дрога во координација со СВР Скопје – Единица за недозволена трговија со дрога, извршиле претреси во неговиот дом и помошните простории во општина Гази Баба, при што пронашле 1.806 таблети „екстази“, синтетичка дрога амфетамин, речиси половина килограм марихуана, спакувани во повеќе пакувања, вага за мерење.
Во текот на утрешниот ден СВР Скопје до надлежното обвинителство ќе поднесе кривична пријава за сторено кривично дело по чл. 215 од КЗ, а лицето ќе биде спроведено во КПУ „Идризово“ на издржување на казната затвор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Осолободителна пресуда за струшкиот градоначалник, Мерко законски го набавил луксузното „ауди“

Основниот суд во Струга го ослободи градоначалникот на Струга, Рамиз Мерко, против кого имаше обвинение за набавката на луксузното службено возило „ауди“ А6 од 67.000 евра и уште три други автомобили.
Судот не утврдил дека Мерко го прекршил законот при набавката на службените возила.
Мерко беше обвинет за злоупотреба на службента положба, поради набавката на четири моторни возила во вкупна вредност од околу 114.000 евра, во време кога општината имала долгови и блокирана жиро сметка.
Обвинението беше поднесено лани во март, а судскиот процес почна во април.
Мерко е под санкции на американската администрација, која го стави на црната листа поради „сериозни индиции за коруптивно однесување и обиди за влијание врз судството“.
Против Мерко има девет обвиненија за несовесно работење, за бесправно градење, како и за фалсификување исправа.
Македонија
„Човекот кој инсистираше Алијансата за Албанците да се поврзе со Ахмети, денес ќе се изгласа за министер за здравство“, велат од АА

„Азир Алиу, човекот кој инсистираше Алијансата за Албанците да се поврзе со Али Ахмети, прв и главен човек кој ја иницираше комуникацијата со него… денес ќе се изгласа за министер за здравство!!!“, велат од Алијансата за Албанците.
„На денешната собраниска седница се очекува да се направи замена на владините позиции што ги напушти Алијансата за Албанците.
Имаме неколку јавни прашања:
Ги прашуваме Билал, Изет: Дали паднаа во вода координираните соопштенија во доцните часови против Алијансата за комуникации со ДУИ, кога денес го правите минситер Азир Алиу, кој беше главен јазол на тие комуникации?
А Фетаи го прашуваме: Најголемиот дел од позициите што ги напушти АА, тивко ги заземаат луѓето на Изет, значи во ВРЕДИ ти повеќе лобираше за луѓето на Изет? И Фета, сме слушнале дека сакаат да ти ја земат функцијата за да намамат помала партија да се приклучи на владата, дали и тебе ќе те направиме амбасадор?
И на крај, го прашуваме принципиелното ВМРО-ДПМНЕ: Каде отидоа „црвените линии“ со ДУИ што постојано ги споменувате во јавните изјави, сега кога во владата доведувате луѓе кои беа мост за поврзување со ДУИ?
Како заклучок, длабоко ви благодариме што со отвореното пазарење што го правите во очите на народот, придонесовте за зајакнување на Алијансата за Албанците како никогаш досега, бидејќи народот секој ден сè појасно разбира зошто ве напуштивме и колку добро направивме!
Октомври е многу блиску, се гледаме тогаш!“, се наведува во соопштението на Алијансата за Албанците.
Македонија
„Влен“: Носиме промени со имиња што го прават секој граѓанин горд

„Во време кога на земјата ѝ се потребни професионализам, посветеност и вистинскo претставување повеќе од кога било, „Влен“ го презема следниот храбар и визионерски чекор: назначување на двајца од најподготвените и најпочитуваните кадри на нашето општество на клучни позиции, проф. д-р Азир Алиу, министер за здравство, и Албрим Хоџа, заменик-министер за земјоделство. Професорот Азир Алиу, неоспорна личност во областа на технологијата, иновациите и високото образование, ќе го води Министерството за здравство со јасен приоритет: дигитализација на здравствениот систем за модерна и ефикасна услуга за граѓаните“, велат од „Влен“.
„Во исто време, Албрим Хоџа, моќен глас на терен, со длабоко искуство во новинарството, руралната политика и проектите за развој на земјоделството, ја презема улогата на заменик-министер за земјоделство со непоколеблива мисија: безрезервна поддршка на земјоделците и селото.
Назначувањето на овие двајца кадри јасно покажува дека „Влен“ не прави компромис кога станува збор за квалитет и претставување. Знаеме дека граѓаните заслужуваат повеќе, а со овие луѓе во институциите, ќе имаат повеќе!“, се додава во соопштението на „Влен“.