Црна хроника
Затвореник од Идризово направил лажен профил, искористил туѓи податоци за кредити и купил три мобилни телефони
31-годишен стружанец со иницијали П.С., кој моментално се наоѓа на издржување казна затвор во КПД Идризово и М.Ф. (60) од Скопје се гонат за „измама“ во врска со „оштетување и неовластено навлегување во компјутерски систем“ и „злоупотреба на лични податоци“.
„Во период од 2021 до јануари 2022 и на 04.02.2022 година, П.С. преку лажен профил на социјална мрежа успеал да обезбеди лични податоци на В.В. од Свети Николе, кои неовластено ги искористил и склучил договори со две финансиски друштва, по што добил средства со кои потоа купил три мобилни телефони. Притоа, М.Ф. откако остварил комуникација со П.С., му помогнал да ги изврши кривичните дела така што го подигнал еден мобилен телефон и го прикрил идентитетот на лицето на кое му го предал телефонот“, велат од МВР.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Момче нападнато од врсници на Бит Пазар, девојче во Аеродром – нови случаи на малолетничко насилство
Две деца во одделни случаи во Скопје, во текот на вчерашниот ден биле нападнати од малолетници.
Во првиот случај, малолетно момче било нападнато на Бит Пазар од страна на неколку врсници кои употребите и тврд предмет.
Синоќа, во Аеродром било физички нападнато и девојче од страна на неколку малолетнички, по претходна расправија.
Од МВР велат дека преземаат мерки за расчистување на случаите.
Топ
Автомобил падна во Крива река, загинаа возачот и сопатничката од Марино
Две лица загинаа вчера во сообраќајна несреќа.
Според информациите од МВР, се работи за 75-годишниот Ж.Ј. и неговата сопатничка С.Ј. (76) – двајцата од селото Марино.
Нивниот автомобил, излетал од патот кај местото викано „Ракле“ и паднал во Крива река.
Од здобиените повреди на местото на несреќата починале и возачот и сопатничката, велат од МВР.
Лекар од Итна медицинска помош констатирал смрт, а по наредба на јавен oбвинител телата на починатите биле предадени на обдукција.
Увид на местото извршила увидна екипа од СВР Куманово.
Топ
Еден убиен, двајца повредени во пукање на т.н. пластичарска улица
Еден убиен и двајца ранети во пукањето кое синоќа околу полноќ се случи на булеварот Никола Карев, познат како пластичарска улица, потврди МВР.
Убиениот е 29-годишен скопјанец, кој заедно со уште едно лице на 19-годишна возраст, исто така од Скопје, биле хоспитализирани во комплексот клиники „Мајка Тереза“. По укажаната помош, 29-годишникот, кој бил примен во тешка состојба, им подлегнал на повредите.
„На 26.5.2024, околу 23.40 часот, во СВР Скопје било пријавено дека на булеватот Никола Карев во Скопје имало пукање“, информираат од МВР.
„Во 23.45 часот од Градската општа болница ‘Св. Наум Охридски’ било пријавено дека кај нив со повреди од огнено оружје бил донесен Т. А. (24) од Скопје. Во 23.51 часот од комплексот клиники ‘Мајка Тереза’ било пријавено дека кај нив со повреди од огнено оружје биле донесени О. Б. (19) и А. И. (29), двајцата од Скопје, каде што по укажаната помош, во 00.45 часот, на 27.5.2024, А. И. починал. Се преземаат мерки за пронаоѓање на сторителите и за расчистување на случајот“.