Црна хроника
Истрага за пронајдени пет килограми марихуана во Велес
Велешкото Основно јавно обвинителство донесе наредба за истражна постапка против жител на овој град на возраст од 29 години поради сомневање дека сторил кривично дело неовластено производство и пуштање во промет наркотични дроги.
Осомничениот велешанец, на 11 март, заради продажба, неовластено држел марихуана во вкупна количина од 4.957,86 грама, и тоа во повеќе пакувања во градината пред куќата во која живее, во собата во која престојувал и во автомобилот.
Дрогата била пронајдена и одземена од полициски службеници на СВР Велес при вршење претрес кај осомничениот кому сега му е определен притвор во траење од 30 дена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Четири возила се судрија пред Клинички центар „Мајка Тереза“, неколку лица се повредени
Сообраќајна несреќа вечерва вечерта се случи на булеварот „Мајка Тереза“ во Скопје, пред влезот на Клиничкиот центар. Според првичните информации, во несреќата учествувале четири возила.
Неофицијално, неколку лица се пожалиле на повреди, но официјални информации од МВР се очекуваат во текот на денешниот ден.
Црна хроника
Во делчевско Вирче најдена граната
Во делчевското село Вирче пронајдена е стара неексплодирана граната. Случајот е пријавен од жител на селото кој експлозивната направа ја пронашол во својот двор.
Во пoлициската станица Делчево, А.М.(60) од с.Вирче, делчевско, на 17.05.2024 во 19.50 часот пријавил дека при извршување градежни работи во неговиот двор пронашол една стара неексплодирана граната, информираат од полиција.
Гранатата по извршениот увид била подигната од пиротехничар од Дирекцијата за заштита и спасување.
Црна хроника
Во куќа на струмичанец најдена дрога
Струмичката полиција вчера околу пладне во Струмица го лишила од слобода Љ.Ѓ.(46) од овој град. При претрес во неговиот дом, извршен со судска наредба, биле пронајдени и одземени кафеава прашкаста материја, црна прашкаста материја, марихуана, бела прашкаста материја, бела грутчеста материја и други предмети за кои постои сомнение дека потекнуваат од кривично дело..
Како што информираат денеска од МВР, лицето било задржано во полициска станица и по целосно документирање на случајот против него ќе биде поднесена соодветна пријава.