Две лица се полесно повредени во сообраќајна несреќа што се случи синоќа околу полноќ на булеварот Партизански одреди во Скопје, во која учествувале повеќе возила.

Според информациите, до несреќата дошло при директен судир на патничко возило со комбе на Брза помош од приватна болница. Од Итната медицинска помош потврдија дека двете лица, кои се здобиле со полесни повреди, биле веднаш пренесени во Ургентниот центар за понатамошен третман и опсервација.

Полицијата изврши увид на местото на несреќата, а повеќе детали за причините кои довеле до судирот се очекуваат во наредниот период.

Две лица го загубија животот во тешка собраќајна несреќа на експресниот пат Штип-Кочани што се случи попладнево.

Според информациите од полицијата, во несреќата учествувале автомобили „пежо“ и „фолксваген“. Едното од од возилата се запалило, а двајцата возачи починале на лице место.

Се работи на утврдување на причините за несреќата.

Вчера во 16.10 часот во СВР Скопје било пријавено дека на ул.„Горно Лисиче“ во Скопје, патничко возило „мерцедес“ со скопски регистарски ознаки, удрило во велосипед управуван од Ј.Б.(70) од Скопје, по што возачот со возилото го напуштил местото.

Во незгодата, Ј.Б. се здобила со телесни повреди, констатирани во Градската општа болница „Св.Наум Охридски“. Извршен бил увид од увидна екипа од СВР Скопје.