Црна хроника
Косовец фалсификувал норвешка шенген виза, приведен е на скопскиот аеродром
Вчера на влез во земјава на Meѓународниот аеродром Скопје, бил приведен косовски државјанин.
Од МВР информираат дека при извршена пасошка контрола и проверка во оперативна евиденција на А.Б.(40) од Косово, било констатирано дека од граничните шведски власти му бил одбиен влезот и бил вратен назад во Р.С.Македонија, поради тоа што користел фалсификувана норвешка шенген виза за влез во ЕУ.
Тој бил приведен во полициска станица за понатамошна постапка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Насилство во Скопско: ја нападнал поранешната партнерка и се обидел да ја силува
Вчера во 10.00 часот во Полициската станица Кисела Вода полициски службеници извршиле службен разговор со 44-годишниот М.С. од радовишко село, со престој во скопско село, постапувајќи по претходна пријава дека на 28.09.2024 во скопско, физички ја нападнал неговата 39-годишна поранешна вонбрачна партнерка и се обидел да изврши обљуба врз неа.
По целосно документирање на случајот ќе следува соодветен поднесок.
Црна хроника
Кривични против четворица царински службеници, на струмичанец му пресметале помал износ на ДДВ и давачки за увоз
СВР Куманово поднесе кривична пријава против Ј.Р.(35), В.М.(44), Д.М.(49) и С.М.(39), сите царински службеници, поради постоење основи на сомнение за сторено кривично дело „злоупотреба на службена положба и овластување“.
На 25.07.2023 на работното место на граничен премин Табановце, за влез во државата, пријавените на едно лице од Струмица му пресметале помал износ на ДДВ и царински давачки за увоз, со што му овозможиле да се стекне со противправна имотна корист, а му издале и потврда за плаќање на увозни давачки, која ја завериле со свој печат и потпис, соопшти МВР.
Црна хроника
Малолетник од Делчево тешко се повредил додека работел во дворот, се расчистува случајот
На 02.10.2024 во 17.03 часот во Полициската станица Делчево, од Итна медицинска помош Делчево било пријавено дека кај нив со тешки телесни повреди бил донесен малолетник од Делчево.
Според пријавеното, тој се здобил со повредите од остар предмет додека работел во дворно место од куќа во Делчево. За настанот бил известен Јавен обвинител и се работи на расчистување на случајот.