Црна хроника
Македонец во возилото шверцувал Турци, уапсен е недалеку од Сињ во Хрватска

Сплитско-далматинската полиција уапси 23-годишен Македонец на подрачјето на Врлика, обвинувајќи го за шверц на осум турски државјани. Возило во кое биле осум турски државјани било запрено од полицијата вчера околу 8:40 часот на подрачјето на општина Врлика, при што се покажало дека патниците илегално влегле во Хрватска.
Дваесет и тригодишниот осомничен кој управувал со автомобилот се товари дека од користољубие им помагал на странски државјани при нелегално движење со нивно преземање на територијата на општина Врлика, откако илегално пешки влегле на територијата на Хрватска. Од полицијата наведуваат дека постапувале со странскиот државјани согласно Законот за странци, додека 23-годишниот возач со кривична пријава е предаден на надзорникот на притворот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Кривична пријава против полициски службеник за оддавање службена тајна

Вчера, по претходно добиени сознанија за сторено кривично дело „оддавање службена тајна“ по член 360 од Кривичниот законик, од страна на полициски службеници од Одделот за внатрешна контрола, криминалистички истраги и професионални стандарди во координација со ОЈО ГОКК спроведена е координирана полициска акција и реализирани се истражни дејствија за претрес на дом, возила и лица на подрачјето на СВР Велес.
При спроведувањето на полициската акција и преземените мерки и активности, на паркинг просторот пред хотел во Велес, во возило “бмв” затекнати се А.С., полициски службеник во Одделот за заштита на определени личности и објекти и Б.К., а при извршен претрес во возилото пронајден е ранец со службени материјали од МВР и од лицата се одземени мобилни телефони, по што се лишени од слобода.
Во рамки на акцијата, дополнително се извршени претреси на повеќе локации, при што се пронајдени и одземени електронски уреди, службени документи и други предмети релевантни за истрагата.
Исто така, од преземените мерки и активности во процесот на проверка, ОВККИПС констатира дека полицискиот службеник постапувал спротивно на законските и подзаконските акти на Министерството за внатрешни работи, со што истиот неовластено поседувал службени материјали, нивно откривање на трети лица надвор од министерството, а со кои дејствија го извршил кривичното дело по член 360 од КЗ.
Од страна на ОВККИПС до ОЈО ГОКК на 31.03.2025 година ќе биде поднесена кривична пријава против А. С., за кривично дело „оддавање службена тајна“ по член 360 од Кривичниот законик.
Црна хроника
Во прилепско село пронајдена граната од Прва светска војна

Во прилепското село Штавица е пронајдена граната од Првата светска војна.
На 27.03.2025 во 13 часот во ОВР Прилеп било пријавено дека во прилепското село Штавица е пронајдена граната од Првата светска војна.
Како што информира МВР, гранатата е безбедно подигната од страна на вработен во Дирекцијата за заштита и спасување.
Црна хроника
Претреси во Скопје, пронајдена дрога, одреден притвор за три лица

Вчера од страна на полициски службеници од СВР Скопје, на подрачје на општина Бутел, по претходно обезбедени докази за недозволена трговија со наркотична дрога марихуана, преземени се истражни дејствија и извршени се претреси на дом и други простории кај лицата:
И.Ј. (26), А.Ј. (21) и Д.Ѓ. (21) тројцата од Скопје.
При претресите се пронајдени и обезбедени недозволени предмети по член и во врска со чл. 215 од КЗ, при што истите се лишени од слобода и против нив од страна на ЕНТ СВР Скопје е поднесена кривична пријава по итна постапка до ОЈО Скопје. Тие се изведени пред судија на претходна постапка, од чија страна на сите тројца пријавени им е одредена мерка притвор од 30 дена.