Црна хроника
Моторџија прегази мајка и дете во Карпош, се обиде да избега и се судри во друго возило
Моторџија прегази мајка и дете во Карпош 4, во близина на стара телевизија. Во обид да избега, неофицијално, моторџијата удрил во автомобил кој се движел од спротива. Според првичните информации, лицето кое го управувало моторот возело по средината на лентата, бидејќи имало лежечки полицајци.
Не се знае видот на повредите на мајката и детето, кои со Брза помош се пренесени во болница. Тие биле во шок, сведочат случајни минувачи, кои додаваат дека во помош истрчале вработени во локалниот старечки дом, како и случајни минувачи.
Се чека увидна екипа од МВР.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Две тинејџерки во Скопје тепале соученичка, а уште две снимале – таткото на нападнaтото девојче има видео
Насилство во близина на средно училиште во Центар. Две тинејџерки тепале соученичка, а уште две снимале со мобилен телефон.
Ова се случувало во октомври, но деновиве до видео материјалот дошол таткото на нападнатото девојче, кој случајот го пријавил во МВР.
Од полицијата велат дека се преземаат мерки за расчистување, а засега нема информации за возраста на средношколките.
МВР во денешната хроника информираше за уште еден сличен случај на врсничко насилство што се одвивал пред два дена на подрачјето на општина Аеродром, а во близина на основно училиште. Според информациите од полицијата, малолетник бил физички нападнат од друг малолетник, соученик во училиштето. Полицијата го расчистува и овој случај.
Црна хроника
Тротинет се судри со автомобил во Струмица
Вчера на крстосницата од бул. „Балканска“ и ул. “Крушевска република“ во Струмица се случила сообраќајна несреќа помеѓу електричен тротинет управуван од А.Ѓ.(47) и патничко возило „фиат пунто“ со струмички регистарски ознаки, управувано од П.Р.(72), двајцата од Струмица.
Во несреќата со тешки телесни повреди се здобила А.Ѓ., констатирани во Општата болница Струмица.
Извршен бил увид од увидна екипа од СВР Струмица, објави МВР во дневниот билтен.
Црна хроника
Автомобил удри во пешак во Скопје, жена се здоби со тешки повреди
Вчера на крстосницата од улиците Благоја Паровиќ и Џон Кенеди во Скопје, патничко возило „форд“ со скопски регистарски ознаки, управувано од Л.А. од Скопје, удрило во Н.Х.(65) од Скопје.
Во несреќата со тешки телесни повреди се здобила Н.Х., констатирани во Градската општа болница „Св. Наум Охридски“, објави МВР.
Извршен бил увид од увидна полициска екипа.