Црна хроника
На Градскиот пазар во Велес одземени над 1.400 пиротехнички средства

Вчера, во 10.50 часот, на Градскиот пазар во Велес, полициски службеници од Отсекот за недозволена трговија со дрога и оружје при СВР Велес го лишиле од слобода И. Ќ. (69) од Велес.
При извршен преглед кај него биле пронајдени и одземени вкупно 1.115 разновидни пиротехнички средства. Тој е приведен во полициска станица, известен е јавен обвинител и по документирање на настанот, против него ќе биде поднесена соодветна пријава.
Истиот ден (19.12.2023), при преглед на тезга на Градскиот пазар, полициски службеници од Отсекот за недозволена трговија со дрога и оружје при СВР Велес кај Ц. З. (62) од Велес пронашле и одзеле 300 пиротехнички средства. Со лицето бил извршен службен разговор во Полициската станица Велес и по документирање на настанот, против него ќе биде поднесена соодветна пријава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Се степале малолетнички, па се вмешала бабата

Вчера дека на подрачјето на Шуто Оризари, бил нарушен јавниот ред и мир со физичка пресметка помеѓу две малолетнички од Скопје.
„Потоа, А.Д., баба на една од малолетничките, физички ја нападнала другата малолетничка“, велат од МВР.
Се преземаат мерки за расчистување на случајот.
Црна хроника
Приведен сопственик на локал во Гостивар, картонот за сервисирање на ПП-апаратите не бил оригинал

Полицијата го приведе Б.Р.(70), сопственик на угостителски објект од Гостивар.
Во содејство со инспектори од Дирекција за заштита и спасување – Скопје, била извршена контрола на противпожарните апарати во угостителски објект во Гостивар, при што било утврдено дека картонот за сервисирање не е оригинал.
Б.Р. е задржан во полициска станица и против него ќе следува соодветен поднесок.
Црна хроника
Тешко повреден пешак во Скопје, возачот го удрил и избегал

Дваесет и осумгодишен пешак се здобил со тешки повреди откако во него удрил автомобил, а возачот избегал од местото на несреќата.
Според информациите на полицијата, сообраќајната несреќа се случила вчеравечер на ул.„Борис Трајковски“ во Скопје.
„Во СВР Скопје било пријавено дека околу 18.15 часот на ул.„Борис Трајковски“, во близина на крстосница со ул.„Саса“, во Скопје патничко возило удрило во пешакот С.М.(28) од с.Страхојадица,скопско, по што возачот со возилото го напуштил местото на настанот. Во несреќата со тешки телесни повреди се здобил пешакот, констатирани во Градската општа болница „Св.Наум Охридски““, соопшти МВР.
Извршен бил увид од увидна екипа од СВР Скопје и се преземаат мерки за расчистување на случајот.